ଦୋହା,୧୯।୧୨: କତାରରେ ଚାଲିଥିବା ବିଶ୍ୱକପ ଫାଇନାଲରେ ଆର୍ଜେଣ୍ଟିନା ପେନାଲ୍ଟି ସୁଟଆଉଟରେ ଫ୍ରାନ୍ସକୁ ୪-୨ରେ ପରାସ୍ତ କରିଛି। ଏହା ସହିତ ଆର୍ଜେଣ୍ଟିନା ୩୬ ବର୍ଷ ପରେ ବିଶ୍ୱକପ ଜିତିବାରେ ସକ୍ଷମ ହୋଇଥିଲା। ୧୯୭୮ ଏବଂ ୧୯୮୬ ପରେ ଆର୍ଜେଣ୍ଟିନା ତୃତୀୟ ଥର ପାଇଁ ଟାଇଟଲ ଜିତିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆର୍ଜେଣ୍ଟିନାକୁ ଫିଫା ବିଶ୍ୱକପ ଚାମ୍ପିୟନ ହୋଇଥିବାରୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ କହିଛନ୍ତି, ଫାଇନାଲ ମ୍ୟାଚକୁ ଫୁଟବଲର ଅନ୍ୟତମ ରୋମାଞ୍ଚକର ମ୍ୟାଚ ଭାବେ ସ୍ମରଣ କରାଯିବ। ଫିଫା ବିଶ୍ୱକପ ଚାମ୍ପିଅନ ହୋଇଥିବାରୁ ଆର୍ଜେଣ୍ଟିନାକୁ ଅଭିନନ୍ଦନ। ସେମାନେ ଟୁର୍ଣ୍ଣାମେଣ୍ଟରେ ଚମତ୍କାର ପ୍ରଦର୍ଶନ କରିଛନ୍ତି। ଆର୍ଜେଣ୍ଟିନା ଏବଂ ମେସିଙ୍କ ଲକ୍ଷ ଲକ୍ଷ ଭାରତୀୟ ପ୍ରଶଂସକ ବିଜୟ ଉତ୍ସବ ପାଳନ କରୁଛି।
ଉତ୍କୃଷ୍ଟ ପ୍ରଦର୍ଶନ ପାଇଁ ଫ୍ରାନ୍ସକୁ ମଧ୍ୟ ପ୍ରଧାନମନ୍ତ୍ରୀ ମୋଦି ମଧ୍ୟ ଅଭିନନ୍ଦନ ଜଣାଇଛନ୍ତି। ଫିଫା ବିଶ୍ୱକପରେ ଉତ୍ସାହଜନକ ପ୍ରଦର୍ଶନ ପାଇଁ ଫ୍ରାନ୍ସକୁ ଅଭିନନ୍ଦନ। ସେ ଫାଇନାଲ ଯିବା ବାଟରେ ନିଜର ଦକ୍ଷତା ସହିତ ଫୁଟବଲ ପ୍ରଶଂସକଙ୍କ ହୃଦୟ ଜିତିଥିଲେ।
ଫିଫା ବିଶ୍ୱକପ ଫାଇନାଲରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ଏବଂ ପୂର୍ବତନ ଦଳର ସଭାପତି ରାହୁଲ ଗାନ୍ଧୀ ଆର୍ଜେଣ୍ଟିନାକୁ ଅଭିନନ୍ଦନ ଜଣାଇଛନ୍ତି।