ନୂଆଦିଲ୍ଲୀ,୨୨।୫ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପୂର୍ବତନ ମୁଖ୍ୟ ଶାସନ ସଚିବ ଥିବା ନୃପେନ୍ଦ୍ର ମିଶ୍ର କହିଛନ୍ତି ୨୦୧୬ ମସିହାରେ ବିମୁଦ୍ରୀକରଣ ଘଟିବା ପରେ ମଧ୍ୟ ପ୍ରଧାନମନ୍ତ୍ରୀ ୨୦୦୦ ଟଙ୍କିଆ ନୋଟ ଆଣିବା ସପକ୍ଷରେ ନ ଥିଲେ। କାରଣ ସେ ଅନୁଭବ କରିଥିଲେ ଦୈନିକ କାରବାର ଅନୁଯାୟୀ ଏହା ଠିକ ନୁହେଁ। ଗଣମାଧ୍ୟମର ରିପୋର୍ଟକୁ ଉଦ୍ଧୃତ କରି ଏହି ଖବର ସାମ୍ନାକୁ ଆସିଛି। ଅନ୍ୟପକ୍ଷରେ କଂଗ୍ରେସ ନୃପେନ୍ଦ୍ରଙ୍କ ଏହି ବିବୃତ୍ତି ନେଇ ଅସନ୍ତୋଷ ବ୍ୟକ୍ତ କରି କହିଛି ଏହା କେବଳ ଭୁଲ ଲୁଚାଇବାକୁ ଚେଷ୍ଟା।
ପୂର୍ବତନ ପ୍ରଧାନମନ୍ତ୍ରୀ ତଥା ବରିଷ୍ଠ ଅଧିକାରୀ ନୃପେନ୍ଦ୍ରଙ୍କ ଦାବି ଉପରେ କଂଗ୍ରେସର ବରିଷ୍ଠ ନେତା ଜୟରାମ ରମେଶ ଦୃଢ଼ ପ୍ରତିକ୍ରିୟା ଦେଇଛନ୍ତି। ସେ ଟୁଇଟ କରି ଲେଖିଛନ୍ତି ପ୍ରଧାନମନ୍ତ୍ରୀଙ୍କ ପୂର୍ବତନ ବରିଷ୍ଠ ସହଯୋଗୀ କହୁଛନ୍ତି ଆତ୍ମଘୋଷିତ ବିଶ୍ୱଗୁରୁ ନଭେମ୍ବର ୨୦୧୬ ରେ ୨୦୦୦ ଟଙ୍କିଆ ନୋଟକୁ ବିରୋଧ କରିଥିଲେ। ସେ ଆହୁରି ମଧ୍ୟ କହିବେ ବିମୁଦ୍ରୀକରଣ ପାଇଁ ତାଙ୍କ ପରାମର୍ଶଦାତାମାନେ ତାଙ୍କ ଉପରେ ଚାପ ପକାଇଥିଲେ। ଏହା ନିଜର ଭୁଲ ଘୋଡାଇବା ପାଇଁ ଏକ ହୀନ ପ୍ରୟାସ ବ୍ୟତୀତ ଆଉ କିଛି ନୁହେଁ ।