କୃଷକଙ୍କ ମୁହଁରେ ହସ ଫୁଟାଇଲେ ମୋଦି ସରକାର: ୭ ବଡ଼ ଯୋଜନାକୁ ମିଳିଲା କ୍ୟାବିନେଟ୍‌ ମଞ୍ଜୁରୀ

ନୂଆଦିଲ୍ଲୀ,୨।୯: କେନ୍ଦ୍ର କ୍ୟାବିନେଟ ବୈଠକରେ କୃଷକଙ୍କ ସହ ଜଡିତ ୭ଟି ଯୋଜନାକୁ ଅନୁମୋଦନ କରାଯାଇଛି। କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି ସୂଚନା ଦେଇଛନ୍ତି। ସେ କହିଛନ୍ତ, କୃଷକଙ୍କ ଜୀବନରେ ଉନ୍ନତି ଆଣିବା ଏବଂ ସେମାନଙ୍କ ଆୟ ବୃଦ୍ଧି ପାଇଁ କ୍ୟାବିନେଟ ସୋମବାର ୭ଟି ପ୍ରମୁଖ ନିଷ୍ପତ୍ତି ନେଇଛି।

ଅଶ୍ୱିନୀ ବୈଷ୍ଣବ କହିଛନ୍ତି, ପ୍ରଥମ ହେଉଛି ଡିଜିଟାଲ କୃଷି ମିଶନ, ଏହା ହେଉଛି କୃଷି ପାଇଁ ଡିଜିଟାଲ ଜନସାଧାରଣ ଭିତ୍ତିଭୂମି ପ୍ରସ୍ତୁତ କରିବା। ୨୮୧୭ କୋଟି ଟଙ୍କା ବିନିଯୋଗ ସହିତ ଡିଜିଟାଲ କୃଷି ମିଶନ ପ୍ରସ୍ତୁତ ହେବ।

– ଖାଦ୍ୟ ଏବଂ ପୁଷ୍ଟିକର ଫସଲ ବିଜ୍ଞାନ ପାଇଁ ଉତ୍ସର୍ଗୀକୃତ ୩,୯୭୯ କୋଟି ଟଙ୍କା ଯୋଜନାକୁ କେନ୍ଦ୍ର କ୍ୟାବିନେଟ ଅନୁମୋଦନ କରିଛି।
– ୨,୮୧୭ କୋଟି ଟଙ୍କା ମୂଲ୍ୟର ଡିଜିଟାଲ କୃଷି ମିଶନକୁ କେନ୍ଦ୍ର କ୍ୟାବିନେଟ ଅନୁମୋଦନ କରିଛି।
– ସେ କହିଛନ୍ତି, କୃଷି ଶିକ୍ଷା ଏବଂ ପରିଚାଳନାକୁ ମଜଭୁତ କରିବା ପାଇଁ କ୍ୟାବିନେଟ ୨,୨୯୨କୋଟି ଟଙ୍କା ଯୋଗାଇ ଏକ କାର୍ଯ୍ୟକ୍ରମକୁ ଅନୁମୋଦନ କରିଛି।
– ପଶୁ ସ୍ବାସ୍ଥ୍ୟ ପାଇଁ ସରକାର ୧,୭୦୨ କୋଟି ଟଙ୍କା ଯୋଜନା ଅନୁମୋଦନ କରିଛନ୍ତି।
– ଉଦ୍ୟାନ କୃଷିର ବିକାଶ ପାଇଁ ୮୬୦ କୋଟି ଟଙ୍କା ଏବଂ କୃଷ୍ଣ ବିଜ୍ଞାନ କେନ୍ଦ୍ର ପାଇଁ ୧,୨୦୨ କୋଟି ଟଙ୍କା ଆବଣ୍ଟନକୁ କେନ୍ଦ୍ର କ୍ୟାବିନେଟ ଅନୁମୋଦନ କରିଛି।
– ଗୁଜରାଟରେ ଦୈନିକ ୬୩ ନିୟୁତ ଚିପ୍ସ ତିଆରି ପାଇଁ କାରଖାନା ସ୍ଥାପନ ପାଇଁ କେଏନ୍ସଙ୍କ ୩,୩୦୭ କୋଟି ଟଙ୍କା ପ୍ରସ୍ତାବକୁ ସରକାର ଅନୁମୋଦନ କରିଛନ୍ତି।