ଭୋପାଳ,୨୮।୬ : ମଧ୍ୟପ୍ରଦେଶର ରାଜଧାନୀ ଭୋପାଳରେ ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ ସେ ପ୍ରତ୍ୟେକ ସ୍କାମର ତଥା ଚୋର ଡକାୟତଙ୍କ ବିରୋଧରେ କାର୍ଯ୍ୟାନୁଷ୍ଠାନର ଗ୍ୟାରେଣ୍ଟି ଦେଉଛନ୍ତି। କଂଗ୍ରେସର ନାମ ନ ନେଇ ସେ ବିରୋଧୀ ଦଳଙ୍କୁ କଡ଼ା ସମାଲୋଚନା କରିଥିଲେ। ଏହାକୁ ନେଇ କଂଗ୍ରେସ ରାଜ୍ୟ ସଭାପତି କମଲନାଥ କହିଛନ୍ତି ମୋଦି କଂଗ୍ରେସର ନାମ ନେଇ ନାହାଁନ୍ତି। ତାଙ୍କର ସୂଚନା ହୁଏତ ଶିବରାଜ ସିଂ ଚୌହାନଙ୍କ ସରକାରଙ୍କ ପାଇଁ ଉଦ୍ଧିଷ୍ଟ ହୋଇ ଥାଇପାରେ।
ପ୍ରଧାନମନ୍ତ୍ରୀ ସ୍କାମର ଏବଂ ଦୁର୍ନୀତି ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିଶ୍ଚିତ କରିଛନ୍ତି, କିନ୍ତୁ ସେ କଂଗ୍ରେସର ନାମ ନେଇନାହାଁନ୍ତି। ଏହାର ଅର୍ଥ ସେ ହୁଏତ ଶିବରାଜ ସିଂ ଚୌହାନଙ୍କ ବିଷୟରେ ସୂଚନା ଦେଉଛନ୍ତି। ଅନ୍ୟପକ୍ଷରେ ୟୁନିଫମ ସିଭିଲ କୋଡ ସମ୍ପର୍କରେ କମଲନାଥ କହିଛନ୍ତି ଆଜି ସାଧାରଣ ଜନତାଙ୍କ ସମସ୍ୟା ହେଉଛି ମୁଦ୍ରାସ୍ଫୀତି, ଦୁର୍ନୀତି, ବେକାରୀ, କୃଷକଙ୍କ ସମସ୍ୟା। ଏଗୁଡ଼ିକ ଆଜି ସର୍ବସାଧାରଣ ପ୍ରସଙ୍ଗ। ୟୁସିସି କେତେ ଲୋକ ବୁଝନ୍ତି।
ଅନ୍ୟପକ୍ଷରେ, ୨୦୨୪ ରେ ପୁନର୍ବାର ଭାଜପା ସରକାର ଗଠନ ହେଉଛି, ଯେଉଁ କାରଣରୁ ବିରୋଧୀ ଦଳ ଭୟଭୀତ ହୋଇଛନ୍ତି ବୋଲି ପ୍ରଧାନମନ୍ତ୍ରୀଙ୍କ ବିବୃତ୍ତି ନେଇ କମଲନାଥ କହିଛନ୍ତି, କେହି ଆତଙ୍କିତ ନୁହଁନ୍ତି ଏବଂ ଭାରତୀୟ ଜନତା ପାର୍ଟି ନିର୍ବୋଧ ପରି କଥା କହୁଛି।