ପାଟନା, ୭।୧୨: କଂଗ୍ରେସ ପକ୍ଷରୁ ଲଗାତାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟାର୍ଗେଟ୍ କରାଯାଉଛି। ଏବେ କଂଗ୍ରେସ ସଦସ୍ୟ ତାରିକ୍ ଅନଓ୍ବାର ମୋଦିଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଛନ୍ତି। ତାରିକ୍ କହିଛନ୍ତି ଯେ, ମୋଦି ଜଣେ ଏକ ଛତ୍ରବାଦୀ ଶାସକ। ଅନ୍ନଦାତାଙ୍କ ସହିତ କଂଗ୍ରେସ ଛିଡ଼ା ହୋଇଛି। ମାତ୍ର ମୋଦି ନିଜ ଜିଦ୍ରେ ଅଟଳ ରହିଥିବାରୁ କୃଷି ଆଇନ ନେଇ ଦେଶରେ ଅଚଳାବସ୍ଥା ସୃଷ୍ଟି ହୋଇଛି। ଲୋକତନ୍ତ୍ରରେ ଏଭଳି ଜିଦ୍ କରିବା ଜଣେ ପ୍ରଧାନମନ୍ତ୍ରୀଙ୍କୁ ଶୋଭା ଦିଏ ନାହିଁ ବୋଲି ସେ କହିଛନ୍ତି। ଏକଛତ୍ରବାଦୀ ଶାସକଙ୍କ ଭଳି ମୋଦି ଭାବୁଛନ୍ତି ଯେ, ଯେଉଁ ନିଷ୍ପତ୍ତି ଗ୍ରହଣ କରାଯାଇଛି ତାକୁ ବଦଳାଯାଇ ପାରିବ ନାହିଁ। ସେ ଗ୍ରହଣ କରାଯାଇଥିବା ନିଷ୍ପତ୍ତି ଭୁଲ ଅବା ଠିକ୍ ତାହା ଚିନ୍ତା ମଧ୍ୟ କରୁ ନାହାନ୍ତି ବୋଲି ତାରିକ୍ ଅଭିଯୋଗ କରିଛନ୍ତି। ବିମୁଦ୍ରୀକରଣ, ଜିଏସ୍ଟି ଏବଂ କୃଷି ଆଇନ କ୍ଷେତ୍ରରେ ମୋଦି ଏକଛତ୍ରବାଦୀ ଶାସକଙ୍କ ଭଳି କାହାର ପରାମର୍ଶ ଗ୍ରହଣ କରି ନ ଥିବା ସେ କହିଛନ୍ତି।