ମୁମ୍ବାଇ,୧୨।୧: ବରିଷ୍ଠ ଶିବସେନା (ୟୁବିଟି) ନେତା ସଞ୍ଜୟ ରାଉତ ଅଯୋଧ୍ୟାରେ ରାମ ମନ୍ଦିରର ପ୍ରତିଷ୍ଠା ସମ୍ପର୍କିତ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ୍ କରିଛନ୍ତି। ସେ କହିଛନ୍ତି, ହିଂସାର ଶିକାର ହୋଇଥିବା ସେହି ଲୋକମାନେ (ଉଦ୍ଧବ ଠାକୁର ଗୋଷ୍ଠୀର ଶିବ ସୈନିକ) ଉତ୍ତର ପୂର୍ବର ମଣିପୁରରେ ନିର୍ମିତ ରାମ ମନ୍ଦିରକୁ ଯିବେ। ମହାରାଷ୍ଟ୍ରର ପୂର୍ବତନ ଉଦ୍ଧବ ଠାକରେ ସେଠାରେ ପ୍ରାର୍ଥନା କରିବେ, କିନ୍ତୁ ପ୍ରଧାନମନ୍ତ୍ରୀ ମୋଦି ସେଠାକୁ ଯାଇ ମୁଣ୍ଡିଆ ମାରିବେ କି ବୋଲି ସେ ପ୍ରଶ୍ନ କରିଛନ୍ତି।
ମନ୍ଦିରର ପ୍ରତିଷ୍ଠା କାର୍ଯ୍ୟକ୍ରମକୁ ଶଙ୍କରାଚାର୍ଯ୍ୟଙ୍କ ବିରୋଧ ବିଷୟରେ ମଧ୍ୟ ରାଉତ ନିଜ ମତ ରଖିଛନ୍ତି। ସେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ଦେଶର ସବୁଠାରୁ ବଡ ଶଙ୍କରାଚାର୍ଯ୍ୟ ହୋଇଛନ୍ତି। ରାମ ମନ୍ଦିର ଏପର୍ଯ୍ୟନ୍ତ ଏକ ଅସମ୍ପୂର୍ଣ୍ଣ ପ୍ରକଳ୍ପ କିନ୍ତୁ ଏହା ପ୍ରତିଷ୍ଠା ହେବାକୁ ଯାଉଛି। ସମସ୍ତ ୪ ଶଙ୍କରାଚାର୍ଯ୍ୟ ଏହାକୁ ବିରୋଧ କରିଛନ୍ତି କିନ୍ତୁ ଏହି ସବୁ ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟୀ ହେଉଛି।
ନାଶିକର କଳାରାମ ମନ୍ଦିରରେ ପ୍ରାର୍ଥନା କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଯୋଜନା ଉପରେ ମଧ୍ୟ ରାଉତ ପ୍ରଶ୍ନ କରିଛନ୍ତି। ମୋଦି ଏବଂ ଭାଜପା ଶିବସେନାକୁ କପି କରିଛନ୍ତି। ଉଦ୍ଧବ କହିଥିଲେ ଯେ ସେ ନାଶିକର କାଲାରାମ ମନ୍ଦିରକୁ ଯିବେ, ସେତେବେଳେ ପ୍ରଧାନମନ୍ତ୍ରୀ ମୋଦି ମଧ୍ୟ ସେଠାକୁ ଯିବାକୁ ଯୋଜନା କରିଥିଲେ। ବର୍ତ୍ତମାନ ଆମେ କହୁଛୁ ମଣିପୁରର ରାମ ମନ୍ଦିର ଯିବୁ, ପ୍ରଧାନମନ୍ତ୍ରୀ ମୋଦି ସେଠାକୁ ଯିବେ କି ବୋଲି ସେ ପ୍ରଶ୍ନ କରିଛନ୍ତି।