ନୂଆଦିଲ୍ଲୀ,୪।୮: କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ମୋଦି ସରନେମ ମାମଲାରେ ସୁପ୍ରିମକୋର୍ଟରୁ ଆଶ୍ୱସ୍ତି ମିଳିବା ପରେ କଂଗ୍ରେସ ଉତ୍ସବ ପାଳନ କରିଛି। କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଭାଇ ରାହୁଲ ଗାନ୍ଧୀଙ୍କୁ ଲଡୁ ଖୁଆଇବାର ଭିଡିଓ ଏବେ ସାମ୍ନାକୁ ଆସିଛି।
ଏହାରି ଭିତରେ କଂଗ୍ରେସ ପକ୍ଷରୁ ଏକ ଭିଡିଓ ଟୁଇଟ କରାଯାଇଛି। ଯେଉଁଥିରେ ପ୍ରିୟଙ୍କା ଗାନ୍ଧୀ ରାହୁଲ ଗାନ୍ଧୀଙ୍କୁ ଲଡୁ ଖୁଆଉଥିବା ଦେଖାଯାଇଛି। ଏହାର କ୍ୟାପଶନରେ ଲେଖାଯାଇଛି, ଅସତ୍ୟ ଉପରେ ସତ୍ୟର ବିଜୟ ହୋଇଛି, ଜୟ କଂଗ୍ରେସ, ବିଜୟ କଂଗ୍ରେସ।’
ଏହା ପୂର୍ବରୁ ରାହୁଲ ଟୁଇଟ କରି ଲେଖିଥିଲେ, ଯାହା ବି ହୋଇଯାଉ, ମୋର କର୍ତ୍ତବ ତାହାହିଁ ରହିବ, ଭାରତର ବିଚାରକୁ ରକ୍ଷା କରିବା।’
ସେହିପରି ପ୍ରିୟଙ୍କା ଗାନ୍ଧୀ ତାଙ୍କ ଟୁଇଟରେ ଗୌତମ ବୁଦ୍ଧଙ୍କ ବାର୍ତ୍ତା ଲେଖିଛନ୍ତି। ସେ ଲେଖିଛନ୍ତି, ତିନୋଟି ଜିନିଷ ଦୀର୍ଘ ଦିନ ପର୍ଯ୍ୟନ୍ତ ଲୁଚି ରହିପାରିବ ନାହିଁ – ସୂର୍ଯ୍ୟ, ଚନ୍ଦ୍ର ଏବଂ ସତ୍ୟ। ଏହା ସହ ସେ ଲେଖିଛନ୍ତି, ମାନ୍ୟବର ସୁପ୍ରିମକୋର୍ଟଙ୍କୁ ଠିକ ନିଷ୍ପତ୍ତି ଦେଇଥିବାରୁ ଧନ୍ୟବାଦ। ସତ୍ୟମେବ ଜୟତେ।