କୋଲକାତା,୩।୧୨ : ମଧ୍ୟପ୍ରଦେଶ,ରାଜସ୍ଥାନ, ଛତିଶଗଡ଼ର ବିଧାନସଭା ନିର୍ବାଚନ ଫଳାଫଳରେ କଂଗ୍ରେସ ଭାଜପାଠାରୁ ୩-୧ରେ ନକ୍ଆଉଟ ହୋଇଛି। ଭୋଟ ଗଣତିରୁ ଜଣାପଡ଼ିଛି ଭାଜପା ମଧ୍ୟପ୍ରଦେଶ, ରାଜସ୍ଥାନ ଏବଂ ଛତିଶଗଡ଼ରେ ମ୍ୟାଜିକ୍ ନମ୍ବର ଟପିଛି। କଂଗ୍ରେସ କେବଳ ତେଲଙ୍ଗାନାରେ ଆଗୁଆ ରହିଛି। ଏନେଇ ପଶ୍ଚିମବଙ୍ଗର ଭାଜପା ନେତା ଶୁଭେନ୍ଦୁ ଅଧିକାରୀ ରବିବାର କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଏସବୁ ରାଜ୍ୟରେ କାମ କରିଛି। ଏହାର ପରିଣାମ ସ୍ବରୂପ ଆଗାମୀ ଦିନରେ ପଶ୍ଚିମବଙ୍ଗରେ ମୋଦି ସୁନାମି ଆସିବ। ୨୦୨୪ ଲୋକସଭା ନିର୍ବାଚନରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସରକାର ମୋଦି ସୁନାମି ଦେଖି ଚକିତ ହେବେ।
