ବାରାଣସୀ,୨୩ା୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ତାଙ୍କ ସଂସଦୀୟ ନିର୍ବାଚନମଣ୍ଡଳୀ ବାରାଣସୀ ପରିଦର୍ଶନ କରିବେ। ସେ ଏଠାରେ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମର ମୂଳଦୁଆ ପକାଇବେ। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ଉତ୍ତରପ୍ରଦେଶ ସରକାର ବାରାଣସୀରେ ଏକ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମ ନିର୍ମାଣ ନେଇ ଜମି ଅଧିଗ୍ରହଣ ପାଇଁ ୧୨୧ କୋଟି ଟଙ୍କା ବ୍ୟୟ ବରାଦ କରିଛନ୍ତି। ଏହା ବ୍ୟତୀତ କ୍ରିକେଟ ବୋର୍ଡ ଅଫ ଇଣ୍ଡିଆ (ବିସିସିଆଇ) ଷ୍ଟାଡିୟମ ନିର୍ମାଣରେ ୩୩୦ କୋଟି ଟଙ୍କା ଖର୍ଚ୍ଚ କରିବ।
ପ୍ରଧାନମନ୍ତ୍ରୀ ଆଜି କାଶୀରେ ପହଞ୍ଚିବେ, ସେଠାରେ ମହିଳାମାନେ ତାଙ୍କୁ ତାଙ୍କ ସ୍ବତନ୍ତ୍ର ଭାବେ ସ୍ବାଗତ ଜଣାଇବେ। ଏହି ସମୟରେ, ଲୋକ ସଭା ତଥା ରାଜ୍ୟ ସଭାରେ ମହିଳାମାନଙ୍କୁ ୩୩% ସଂରକ୍ଷଣ ପ୍ରଦାନ କରୁଥିବା ସଂସଦରେ ‘ନାରୀ ଶକ୍ତି ବନ୍ଦନ ଆକ୍ଟ ୨୦୨୩’ ଅନୁମୋଦନ ପାଇବା ପରେ ବନାରସରେ ବିଭିନ୍ନ ବର୍ଗର ମହିଳାମାନେ ପ୍ରଧାନମନ୍ତ୍ରୀ ମୋଦିଙ୍କୁ ବିଶେଷ ଧନ୍ୟବାଦ ଜଣାଇବେ। ଏଥିପାଇଁ ବାରାଣସୀର ସମ୍ପୂର୍ଣ୍ଣାନନ୍ଦ ସଂସ୍କୃତ ବିଶ୍ୱବିଦ୍ୟାଳୟ ପଡ଼ିଆରେ ଏକ କାର୍ଯ୍ୟକ୍ରମ ସ୍ଥିର କରାଯାଇଛି। ଏହି କାର୍ଯ୍ୟକ୍ରମରେ ୫୦୦୦ ମହିଳା ଅଂଶଗ୍ରହଣ କରିବେ।