ନୂଆଦିଲ୍ଲୀ,୩।୧୦ : ଚାଇନା ହାତରୁ ବିଭିନ୍ନ କାରଖାନା ଛଡ଼ାଇ ନେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ପକ୍ଷରୁ ୧.୨ ଟ୍ରିଲିୟନ ଡଲାର ଯୋଜନା କରାଯାଇଥିବା କୁହାଯାଉଛି। ଭାରତରେ, ସମସ୍ତ ଭିତ୍ତିଭୂମି ପ୍ରକଳ୍ପର ଅଧା ଧାର୍ଯ୍ୟ ସମୟଠାରୁ ବିଳମ୍ବରେ ଚାଲିଛି। ସେସବୁ ମଧ୍ୟରୁ ପ୍ରତି ଚାରିରୁ ଗୋଟିଏର ଆନୁମାନିକ ବଜେଟ ଅଧିକ ହେବାରେ ଳାଗିଛି। ପ୍ରଧାନମନ୍ତ୍ରୀଙ୍କ ଅନୁସାରେ ଏହାର ଏକ ମାତ୍ର ସମାଧାନ ହେଉଛି ବିକଶିତ ଟେକ୍ନୋଲୋଜି।
୧୦୦ ଟ୍ରିଲିୟନ ଟଙ୍କା (୧.୨ ଟ୍ରିଲିୟନ ଡଲାର)ର ମେଗା ପ୍ରୋଜେକ୍ଟ ଗତି ଶକ୍ତି ଅଧୀନରେ ଗତିର ଶକ୍ତି ପାଇଁ ମୋଦିଙ୍କ ପ୍ରଶାସନ ଏକ ଡିଜିଟାଲ ପ୍ଲାଟଫର୍ମ ସୃଷ୍ଟି କରୁଛନ୍ତି। ଯାହା ୧୬ ମନ୍ତ୍ରଣାଳୟକୁ ଏକତ୍ର କରିଛି। ପୋର୍ଟାଲ ନିବେଶକ ଏବଂ କମ୍ପାନୀଗୁଡିକୁ ପ୍ରକଳ୍ପର ଡିଜାଇନ, ବାଧାମୁକ୍ତ ଅନୁମୋଦନ ଏବଂ ଖର୍ଚ୍ଚର ସହଜ ଆକଳନ ପାଇଁ ଏକ ଓ୍ବାନ-ଷ୍ଟପ ସମାଧାନ ପ୍ରଦାନ କରିବ।
ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟର ଲଜିଷ୍ଟିକ୍ସର ସ୍ବତନ୍ତ୍ର ସଚିବ ଅମ୍ରିତ ଲାଲ ମୀନା ନୂଆଦିଲ୍ଲୀରେ ଏକ ସାକ୍ଷାତକାରରେ କହିଛନ୍ତି ଯେ, ଏହା ଦ୍ୱାରା ଧାର୍ଯ୍ୟ ସମୟ ମଧ୍ୟରେ ଏବଂ ବ୍ୟୟ ଅଟକଳରେ ପ୍ରକଳ୍ପଗୁଡ଼ିକ ସମ୍ପନ୍ନ ହୋଇ ପାରିବ। ବିଶ୍ୱର କମ୍ପାନୀଗୁଡିକ ଭାରତକୁ ସେମାନଙ୍କର ଉତ୍ପାଦନ କେନ୍ଦ୍ର ଭାବରେ ଚୟନ କରିବା ହେଉଛି ଏହାର ଉଦ୍ଦେଶ୍ୟ।
ଫାଷ୍ଟ-ଟ୍ରାକିଂ ପ୍ରକଳ୍ପଗୁଡିକ ଭାରତକୁ ଏକ ସୁଯୋଗ ଦେବ। ବିଶେଷତଃ ଚାଇନା ବାହ୍ୟ ଜଗତ ପାଇଁ ପ୍ରାୟତଃ ବନ୍ଦ ହୋଇ ରହିଛି ଏବଂ କମ୍ପାନୀଗୁଡିକ ଚାଇନା-ପ୍ଲସ-ଓ୍ବାନ ନୀତି ଆପଣେଇଛନ୍ତି। ଅନ୍ୟ ଦେଶକୁ ଏହାର ବ୍ୟବସାୟ ତଥା ଯୋଗାଣକୁ ବିସ୍ତାର କରିବାକୁ ଚାଇନା ଏଭଳି କରୁଛି। ଫଳରେ ଭାରତ ପାଇଁ ନୂଆ ସୁଯୋଗ ସୃଷ୍ଟି ହୋଇଛି। ପରିବହନ କମ୍ପାନୀ ର୍କିନି ଇଣ୍ଡିଆର ଅଂଶୀଦାର ଅଂଶୁମାନ ସିହ୍ନା କହିଛନ୍ତି, ଚାଇନ ସହିତ ପ୍ରତିଦ୍ୱନ୍ଦ୍ୱିତା କରିବାର ଏହା ହେଉଛି ଏକମାତ୍ର ଉପାୟ। ଭାରତର ଗତି ଶକ୍ତି ଯୋଜନା ଯୋଗୁ ଚାଇନା ହାତରୁ ବହୁ ନିବେଶକ କମ୍ପାନୀ ସହଜରେ ଭାରତ ମୁହାଁ ହୋଇ ପାରିବେ।