ଜୟପୁର,୨୦।୯: ରାଜସ୍ଥାନ ବିଧାନସଭା ନିର୍ବାଚନ ପାଖେଇ ଆସୁଛି। ଏଥିପାଇଁ ସମସ୍ତ ଦଳ ଜିତିବାକୁ ଉଦ୍ୟମ କରୁଛନ୍ତି। ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ କଂଗ୍ରେସ ଦଳର ପ୍ରସ୍ତୁତି ବିଷୟରେ ବୁଧବାର ସୂଚନା ଦେଇଛନ୍ତି। ପାଇଲଟ କହିଛନ୍ତି, ରାଜସ୍ଥାନ କଂଗ୍ରେସରେ ବିବାଦ ପରିସ୍ଥିତିକୁ ନିୟନ୍ତ୍ରଣ କରାଯାଇଛି ଏବଂ ବର୍ତ୍ତମାନ କଂଗ୍ରେସ ଏକତା ସହିତ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ। ଗତ ନିର୍ବାଚନରେ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜସ୍ଥାନରେ ପ୍ରଚାର କରିଥିଲେ, କିନ୍ତୁ ସରକାର କଂଗ୍ରେସ ଗଠନ କରିଥିଲା। ଏଥର ମଧ୍ୟ ମୋଦିଙ୍କ ଗସ୍ତକୁ ନେଇ ଜନସାଧାରଣଙ୍କ ଉପରେ କୌଣସି ପ୍ରଭାବ ପଡ଼ିବ ନାହିଁ। ଏ
ମୁଖ୍ୟମନ୍ତ୍ରୀ ଏବଂ ବିଧାୟକ ପଦବୀ ପାଇଁ ଦାବିଦାରଙ୍କ ପ୍ରଶ୍ନ ଉପରେ ସଚିନ ପାଇଲଟ କହିଛନ୍ତି ଯେ, କଂଗ୍ରେସ ପାର୍ଟିରେ କାହାକୁ କେଉଁ ପଦବୀ ମିଳିବ ତାହା ହାଇକମାଣ୍ଡଙ୍କ ଦ୍ୱାରା ନିଷ୍ପତି ନିଆଯାଏ। କଂଗ୍ରେସ କାର୍ଯ୍ୟକାରିଣୀ ବୈଠକରେ ୫ଟି ରାଜ୍ୟରେ ହେବାକୁ ଥିବା ନିର୍ବାଚନ ଉପରେ ଆଲୋଚନା ହୋଇଛି ଏବଂ ସମସ୍ତ ରାଜ୍ୟରେ କିପରି ନିର୍ବାଚନ ଜିତିବେ ସେନେଇ ଆଲୋଚନା ହୋଇଛି। ଏଥର ମିଳିତ ମେଣ୍ଟ ‘ଇଣ୍ଡିଆ’ କେନ୍ଦ୍ର ସରକାର ଗଢହିବ ବୋଲି ପାଇଲଟ ଦାବି କରିଛନ୍ତି।
