ଅହମଦାବାଦ୍,୫।୧: ଗୁଜରାଟ ନଗର ନିର୍ବାଚନ ପାଇଁ ରାଜନୈତିକ ଉଷ୍ମତା ଦେଖିବାକୁ ମିଳିଛି। ଏହି ନିର୍ବାଚନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଝିଆରୀ ସୋନଲ ମୋଦି ମଧ୍ୟ ଭାଜପା ଟିକେଟରେ ପ୍ରତିଦ୍ୱନ୍ଦ୍ୱିତା କରିବାକୁ ଇଚ୍ଛା ପ୍ରକାଶ କରିଥିଲେ। କିନ୍ତୁ ତାହା ଅଧୁରା ରହିଯାଇଛି। ଦଳ ତାଙ୍କୁ ଟିକେଟ୍ ଦେଇନାହିଁ। ଶୁକ୍ରବାର ନଗର ନିଗମ ନିର୍ବାଚନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି ଭାଜପା। ଏଥିରେ ସୋନଲଙ୍କ ନାମ ନାହିଁ। ଖବର ଅନୁଯାୟୀ, ପ୍ରଧାନମନ୍ତ୍ରୀଙ୍କ ବଡ ଭାଇ ପ୍ରହ୍ଲାଦ ମୋଦିଙ୍କ ଝିଅ ସୋନଲ ଅହମ୍ମଦାବାଦ ମ୍ୟୁନିସିପାଲ କର୍ପୋରେସନର ବୋଦକଦେବ ୱାର୍ଡରୁ ପାର୍ଟି ଟିକେଟ ମାଗିଥିଲେ। ସୋନଲ ଏକ ରାଶନ ଦୋକାନ ଚଲାନ୍ତି।