ଦିଲ୍ଲୀ,୧୩।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଦୁଇ ଦିନିଆ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ଗସ୍ତ କରିବେ। ଏହି ଅବସରରେ ମୋଦି ଏବଂ ୟୁଏଇ ରାଷ୍ଟ୍ରପତି ଶେଖ ମହମ୍ମଦ ବିନ ଜାଏଦ ଅଲ୍ ନାହୟାନଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା ହେବାର କାର୍ଯ୍ୟକ୍ରମ ରହିଛି। ଏପରିକି ଆବୁଧାବିରେ ନିର୍ମିତ ହୋଇଥିବା ପ୍ରଥମ ହିନ୍ଦୁ ମନ୍ଦିରର ଉଦ୍ଘାଟନ କରିବେ।
ୟୁଏଇର ଭାରତରେ ଥିବା ରାଷ୍ଟ୍ରଦୂତ ଅବଦୁଲ ନାସିର ଅଲଶାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୟୁଏଇ ଗସ୍ତକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବର୍ଣ୍ଣନା କରିଛନ୍ତି। ଏପରିକି ଦୁଇ ଦେଶର ରଣନୀତିକ ସମ୍ପର୍କ ସହ ଭାରତ-ୟୁଏଇ ସମ୍ପର୍କକୁ ମଜଭୁତ କରିବା ସହ ନୂତନ ଉଚ୍ଚତାକୁ ନେଇଯିବ। ଆମେ ଭାଗ୍ୟବାନ ଯେ, ପ୍ରଧାନମନ୍ତ୍ରୀ ମୋଦୀ ବିଶ୍ୱ ସରକାର ସମ୍ମିଳନୀରେ ଆମର ଅତିଥି ହେବେ। ଏପରିକି ବିଏପିଏଏସ୍ ମନ୍ଦିରର ଉଦ୍ଘାଟନ କରିବେ।
ସୂଚନା ଯୋଗ୍ୟ, ଜାନୁଆରୀରେ ଭାରତ ଗସ୍ତରେ ଆସିଥିଲେ ୟୁଏଇର ରାଷ୍ଟ୍ରପତି ଶେଖ ମହମ୍ମଦ ବିନ ଜାଏଦ ଅଲ୍ ନାହୟାନ। ସେ ମୋଦିଙ୍କ ସହ ଅହମଦାବାଦରେ ରୋଡ ଶୋ କରିଥିଲେ। ଏପରିକି ଅହମଦାବାଦ ବିମାନ ବନ୍ଦରରେ ମୋଦି ୟୁଏଇ ରାଷ୍ଟ୍ରପତିଙ୍କୁ ଭବ୍ୟ ସ୍ବାଗତ କରିଥିଲେ।