ଲଣ୍ଡନ,୮ା୬: ଜୁନ୍ ୧୬ରୁ ଏଜ୍ବାଷ୍ଟନରେ ଆରମ୍ଭ ହେବାକୁ ଥିବା ଅଷ୍ଟ୍ରେଲିଆ ବିପକ୍ଷ ୫ମ୍ୟାଚ ବିଶିଷ୍ଟ ଆଶେସ ଟେଷ୍ଟ ସିରିଜ ଲାଗି ଅବସରରୁ ପୁଣି ମଇଦାନମକୁ ଫେରିଛନ୍ତି ଭେଟେରାନ ଅଲ୍ରାଉଣ୍ଡର ମୋଇନ ଅଲି। ୩୫ ବର୍ଷୀୟ ମୋଇନ ୨୦୨୧ରେ ଟେଷ୍ଟରୁ ଅବସର ଘୋଷଣା କରିଥିଲେ। ହେଲେ ଇଂଲଣ୍ଡ ଅଧିନାୟକ ବେନ୍ ଷ୍ଟୋକ୍ସ ଓ କୋଚ୍ ବ୍ରେଣ୍ଡନ ମ୍ୟାକ୍କୁଲମ ଅବସରରୁ ଓହରି ମୋଇନଙ୍କୁ ଟେଷ୍ଟ କ୍ରିକେଟକୁ ଫେରିବାକୁ ବୁଝାଇଥିଲେ। ମୋଇନ ଶେଷରେ ରାଜି ହୋଇଯାଇଥିଲେ। ଆଘାତପ୍ରାପ୍ତ ସ୍ପିନର ଜ୍ୟାକ୍ ଲିଚ୍ ଆଶେସ ସିରିଜରୁ ବାଦ୍ ପଡିବା ପରେ ତାଙ୍କ ସ୍ଥାନରେ ମୋଇନଙ୍କୁ ସାମିଲ କରାଯାଇଛି। ସୂଚନା ଯୋଗ୍ୟ, ମୋଇନ ଚେନ୍ନାଇ ସୁପର କିଙ୍ଗ୍ସ ସହ ଆଇପିଏଲ୍ ୨୦୨୩ ଟ୍ରଫି ଜିତିଛନ୍ତି।