ମୁମ୍ବାଇ,୨୦।୫: ଗୋଟିଏ ଓଭରରେ ୨୬ ରନ୍। ଶୁକ୍ରବାର ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ରେ ଚେନ୍ନାଇ ସୁପର କିଙ୍ଗ୍ସର ମୋଇନ ଅଲିଙ୍କ ଏଭଳି ଧୂଆଁଧାର ବ୍ୟାଟିଂ ଦେଖିବାକୁ ମିଳିଛି। ଦ୍ରୁତ ବୋଲର ଟ୍ରେଣ୍ଟ ବୋଲ୍ଟଙ୍କ ଓଭରରେ ସେ ପ୍ରଥମ ବଲରେ ଛକା ଏବଂ ପରର ପ୍ରତିଟି ବଲ୍ରେ ଚୌକା ମାରିଛନ୍ତି। ତେବେ ମୋଇନ ରାଜସ୍ଥାନ ବିପକ୍ଷରେ ମୋଟ ୯୩ ରନ୍ କରିବାରେ ସଫଳ ହୋଇଛନ୍ତି।
କହିରଖୁଛୁ, ଆଇପିଏଲ ୨୦୨୨ ନିଲାମରେ ମୋଇନଙ୍କୁ ଦଳ ୮ କୋଟି ଟଙ୍କାରେ ରିଟେନ କରିଥିଲା। ଗତ ସିଜନରେ ସେ ସିଏସ୍କେରେ ସାମିଲ ରହି ଦଳକୁ ବିଜେତା କରିବାରେ ସଫଳ ହୋଇଥିଲେ। ସେ ୨୦୨୧ରେ ଚେନ୍ନାଇ ଲାଗି ୧୫ ମ୍ୟାଚ୍ ଖେଳି ୩୫୭ ରନ୍ କରିବା ସହ ୬ ଉଇକେଟ ନେଇଥିଲେ।
