ନୂଆଦିଲ୍ଲୀ, ୨୪।୮: ଭାରତୀୟ କ୍ରିକେଟ୍ ଦଳର ଦ୍ରୁତ ବୋଲର ମହମ୍ମଦ ସାମିଙ୍କ ପୂର୍ବତନ ସ୍ତ୍ରୀ ହାସିନ ଜହାନ ସୋସିଆଲ ମିଡିଆରେ ବେଶ୍ ସକ୍ରିୟ ରହିଥାନ୍ତି। ଅଧିକାଂଶ ସମୟ ସେ ସୋସିଆଲ ମିଡିଆ ଜରିଆରେ ଚର୍ଚ୍ଚାରେ ରହିଥାନ୍ତି। ନିକଟରେ ମଧ୍ୟ ହସିନ ଜହାନ ନିଜର ଏକ ବୋଲ୍ଡ ଫଟୋ ଶେୟାର କରିଛନ୍ତି। ଯାହା ଏବେ ବେଶ୍ ଭାଇରାଲ୍ ହେବାରେ ଲାଗିଛି।
୪୦ ବର୍ଷୀୟା ହାସିନ ଏକ କଳା ରଙ୍ଗର ବିକିନ ପିନ୍ଧି ଏହି ଫଟୋ ଶେୟାର କରିଛନ୍ତି। ଏହି ଫଟୋ ଶେୟାର କରିବା ସହିତ ସେ କ୍ୟାପସନରେ ଲେଖିଛନ୍ତି, ‘ୟେ ଆଲ୍ଲା, ଏହି ଫଟୋ ଶେୟାର କଲାବେଳେ ମୁଁ କାହିଁକି ହସୁଛି।’ ଏହାକୁ ନେଇ ସୋସିଆଲ ମିଡିଆରେ ତାଙ୍କୁ ଅନେକ ଟ୍ରୋଲ୍ କରିଛନ୍ତି। ଏପରିକି କେତେଜଣ ତାଙ୍କୁ ପ୍ରତାରଣାକାରୀ ବୋଲି କହିବାକୁ ପଛାଇ ନ ଥିଲେ। ଏଥିପୂର୍ବରୁ କିଛିଦିନ ତଳେ ରାମ ମନ୍ଦିର ଭୂମି ପୂଜନ ଲାଗି ସେ ଅଭିନନ୍ଦନ ଜଣାଇଥିଲେ। କିନ୍ତୁ କେତେଜଣ ଲୋକ ସୋସିଆଲ ମିଡିଆରେ ତାଙ୍କୁ ବଳାତ୍କାର ଧମକ ଦେଇଥିଲେ। ଏହାପରେ ନିଜର ସୁରକ୍ଷା ଲାଗି ହାସିନ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ସହାୟତା ଲୋଡ଼ିଥିଲେ।