କୋଲକାତା, ୧୨ା୧୦ (ପି.ଟି.)-ସ୍ଥାନୀୟ ସଲ୍ଟଲେକ୍ ଷ୍ଟାଡିୟମରେ ରବିବାର ଖେଳାଯାଇଥିବା ଏକ ଆଇ-ଲିଗ୍ କ୍ୱାଲିଫାୟର୍ସ ମ୍ୟାଚ୍ରେ ମହମ୍ମଡାନ ସ୍ପୋର୍ଟିଂ ୪-୧ ଗୋଲ୍ରେ ଆରା ଏଫ୍ସିକୁ ପରାସ୍ତ କରିଛି। ମହମ୍ମଡାନ ସ୍ପୋର୍ଟିଂ ତରଫରୁ ପ୍ରଥମ ଥର ଖେଳିଥିବା ନେପାଳୀ ଷ୍ଟ୍ରାଇକର ଅଭିଷେକ ରିଜାଲ (୨୧ତମ ଓ ୪୫ତମ ମିନିଟ୍) ଦୁଇଟି ଗୋଲ ପ୍ରଥମାର୍ଦ୍ଧରେ ସ୍କୋର କରିଥିଲେ। ଓ୍ବିଲିସ୍ ପ୍ଲାଜା (୧୩ତମ) ଓ ଶେଖ୍ ଫିଆଜ୍ (୮୯ତମ) ଗୋଟିଏ ଲେଖାଏ ଗୋଲ ଦେଇଥିଲେ। ବ୍ଲାକ୍ ପାନ୍ଥର୍ସ ଦଳ ଖେଳିଥିବା ଦୁଇଟି ମ୍ୟାଚରେ ଏହାର ଦ୍ୱିତୀୟ ବିଜୟ। ମହମ୍ମଡାନ ସ୍ପୋର୍ଟିଂର ସାଫିଉଲ୍ ରହମାନ ୫୮ତମ ମିନିଟ୍ରେ ନିଜ ପଟେ ଏକ ଗୋଲ ସ୍କୋର କରିବା ଦ୍ୱାରା ଅହମ୍ମଦାବାଦର ଆରା ଏଫ୍ସିର ପରାଜୟ ଗୋଲ୍ ବ୍ୟବଧାନ ହ୍ରାସ ପାଇଥିଲା। ଟୁର୍ନାମେଣ୍ଟରେ ଆରା ଏଫ୍ସି ଦଳର ଏହା ପ୍ରଥମ ମ୍ୟାଚ ଥିଲା। ମହମ୍ମଡାନ ସ୍ପୋର୍ଟିଂ ଗଡଓ୍ବାଲ ଏଫ୍ସି ବିପକ୍ଷ ଏହାର ପ୍ରଥମ ମ୍ୟାଚ ଏକ ମାତ୍ର ଗୋଲରେ ଜିତିଥିଲା। ରବିବାର ମ୍ୟାଚ୍ ପାଇଁ ଦଳ ୬ଜଣ ଖେଳାଳିଙ୍କୁ ପରିବର୍ତ୍ତନ କରିଥିଲା।