ରାୟଗଡ଼ା,୨୭।୭ (ଆଶିଷ ରଞ୍ଜନ ପଣ୍ଡା): ରାୟଗଡ଼ା ଜିଲା ଯୁବ କଂଗ୍ରେସ ଫଳାଫଳ ଘୋଷଣା ହୋଇଛି । ମୋହନ ନାୟକ ରାୟଗଡ଼ା ଜିଲା ଯୁବ କଂଗ୍ରେସ ସଭାପତି ଭାବେ ନିର୍ବାଚିତ ହୋଇଥିବା ବେଳେ ରାୟଗଡ଼ା ବିଧାନସଭା ନିର୍ବାଚନ ମଣ୍ଡଳୀ ସଭାପତି ଭାବେ ଯୋସେଫ ଖୋସ୍ଲା ଏବଂ ଉପସଭାପତି ଭାବେ ମିରାବାଲି ସରପଞ୍ଚ ଅଶୋକ ପୁଆଲା ନିର୍ବାଚିତ ହୋଇଛନ୍ତି । ସେହିଭଳି ଗୁଣପୁର ନିର୍ବାଚନ ମଣ୍ଡଳୀରେ ଜିଲା କଂଗ୍ରେସ ସଭାପତି ବିଜୟ ଗମାଙ୍ଗଙ୍କ ପୁଅ ଅବିନାଶ ଗମାଙ୍ଗ ସଭାପତି ଏବଂ ଭାସ୍କର ଜାଗାରାଙ୍ଗା ଉପସଭାପତି ହୋଇଛନ୍ତି। ବିଷମକଟକ ନିର୍ବାଚନ ମଣ୍ଡଳୀରେ ବଳଦେବ ଶତପଥୀ ଯୁବ କଂଗ୍ରେସ ସଭାପତି ହୋଇଥିବା ବେଳେ କିନୁ କନ୍ଧପାଣି ଉପସଭାପତି ହୋଇଛନ୍ତି। ପୂର୍ବତନ କୋରାପୁଟ ଲୋକସଭା କ୍ଷେତ୍ର ଯୁବ ସଭାପତି ଭବାନୀ ଶଙ୍କର ଜେନା ଓ ପୂର୍ବତନ ଜିଲା ଯୁବ କଂଗ୍ରେସ ସଭାପତି ପଣ୍ଟୁ ସାହୁ ସମସ୍ତ ନବ ନିର୍ବାଚିତଙ୍କୁ ଶୁଭେଚ୍ଛା ଜ୍ଞାପନ କରିଛନ୍ତି ା ଆଗାମୀ ଦିନରେ ଜିଲାରେ ଯୁବକଙ୍କୁ ଏକତ୍ରିତ କରି ଦଳକୁ ମଜଭୁତ କରିବେ ବୋଲି ମୋହନ କହିଛନ୍ତି ା ଏଥିସହ ଏହି ପଦବୀ ହାସଲ ପାଇଁ ଭବାନୀ ଜେନା ସମର୍ଥନ କରିଥିବାରୁ ତାଙ୍କୁ କୃତଜ୍ଞତା ଜ୍ଞାପନ କରିଛନ୍ତି। ମୋହନ ନାୟକ ପିସିସି ସାଧାରଣ ସମ୍ପାଦକ ଦୁର୍ଗା ପ୍ରସାଦ ପଣ୍ଡା, ରାୟଗଡ଼ା ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥି ଆପଲସ୍ବାମୀ କାଡ୍ରାକା ଓ ଅନ୍ୟମାନଙ୍କ ଠାରୁ ଆଶୀର୍ବାଦ ଗ୍ରହଣ କରିଛନ୍ତି।