ଭାରତର ପ୍ରସିଦ୍ଧ ଅଲରାଉଣ୍ଡ ତଥା ୧୯୮୩ ବିଶ୍ୱକପର ହିରୋ ମହିନ୍ଦର ଅମରନାଥଙ୍କ ଆଜି ୭୧ତମ ଜନ୍ମଦିନ। ସେପ୍ଟେମ୍ବର ୨୪ ୧୯୫୦ ପଟିଆଲାରେ ଜନ୍ମଗ୍ରହଣ କରିଥିବା ଅମରନାଥଙ୍କ ପିତା ଲାଲା ଅମରନାଥ ମଧ୍ୟ ଜଣେ ଲୋକପ୍ରିୟ କ୍ରିକେଟର୍ ଥିଲେ। ତାଙ୍କ ପିଢିକୁ ଆଗକୁ ବଢାଇବା ପାଇଁ ପ୍ରତିଶ୍ରୁତିବଦ୍ଧ ଥିଲେ ମହିନ୍ଦର। ତାଙ୍କ ଯୋଗୁ ଭାରତ ୧୯୮୩ରେ ପ୍ରଥମଥର ପାଇଁ ବିଶ୍ୱ ଚାମ୍ପିୟନ ହେବାର ସ୍ବାଦ ଚାଖିପାରିଥିଲା। ସେ ବିଶ୍ୱକପ ଫାଇନାଲରେ ‘ମ୍ୟାନ ଅଫ ଦ ମ୍ୟାଚ’ ବିବେଚିତ ହୋଇଥିଲେ।
ମହିନ୍ଦରଙ୍କ ବ୍ୟାଟିଂର ଏହି ବୈଶିଷ୍ଟ୍ୟ ହେଉଛି ଅନେକ ଦ୍ରୁତ ବୋଲର ତାଙ୍କ ଶରୀରକୁ ଟାର୍ଗେଟ କରି ବଲ୍ ଫିଙ୍ଗିଥିଲେ ତଥାପି ଭାରତୀୟ ବ୍ୟାଟ୍ସମ୍ୟାନ କେବେ ହାର ମାନି ନ ଥିଲେ। ନ୍ୟୁଜିଲାଣ୍ଡର ଦ୍ରୁତ ବୋଲର ରିଚାର୍ଡ ହାର୍ଡଲି ଏକ ମ୍ୟାଚରେ ଅମରନାଥଙ୍କୁ ବାଉନ୍ସର୍ ଫିଙ୍ଗିଥିଲେ। ଏଥିରେ ତାଙ୍କ ମୁଣ୍ଡ ଫାଟିଯାଇଥିଲା। ଏହାସତ୍ତ୍ୱେ ସେ ବ୍ୟାଟିଂ ଜାରି ରଖିଥିଲେ। ଥରେ ଓ୍ବେଷ୍ଟଇଣ୍ଡିଜ ପେସର୍ ମଲକମ ମାର୍ଶଲଙ୍କ ବଲ ଫିଙ୍ଗି ଅମରନାଥଙ୍କ ଦାନ୍ତ ଭାଙ୍ଗି ଦେଇଥିଲେ। ଏହାସତ୍ତ୍ୱେ ସେ କେବେହେଲେ ହାର ନ ମାନି ତାଙ୍କୁ ବ୍ୟାଟ୍ରେ ଉଚିତ୍ ଜବାବ ଦେଇଥିଲେ।
ସେ ଭାରତ ପାଇଁ ୬୯ଟି ଟେଷ୍ଟ ଖେଳି ୪୩୭୮ ରନ କରିବା ସହ ୩୨ଟି ଉଇକେଟ ନେଇଥିଲେ। ସେହିପରି ୮୫ଟି ଏକଦିବସୀୟ ମ୍ୟାଚ ଖେଳି ୧୯୨୪ ରନ କରି ୪୬ଟି ଉଇକେଟ ନେଇଥିଲେ।
