ବମ୍ବେ: ବାପା ହୋଇଛନ୍ତି ଦେବୋ କେ ଦେବ ମହାଦେବ ଫେମ୍ ଅଭିନେତା ମୋହିତ ରାଇନା। ତାଙ୍କ ପତ୍ନୀ ଅଦିତି କନ୍ୟା ସନ୍ତାନର ଜନନୀ ହୋଇଛନ୍ତି। ନିଜର ସୋସିଆଲ ମିଡିଆ ଜରିଆରେ ଅଭିନେତା ଏହି ଖୁସିଖବର ପ୍ରଶଂସକଙ୍କ ସହ ବାଣ୍ଟିଛନ୍ତି।
ମୋହିତ ଶେୟାର କରିଥିବା ଫଟୋରେ ଝିଅର ଆଙ୍ଗୁଠି ଧରିଥିବା ନଜର ଆସିଛନ୍ତି। ଫଟୋ ଶେୟାର କରି ସେ ଲେଖିଛନ୍ତି, ‘ଏବେ ଆମେ ତିନି ହୋଇଯାଇଛୁ। ନିଜର କୁନି ଝିଅକୁ ଦୁନିଆରେ ସ୍ବାଗତ କରୁଛୁ।’
୨୦୨୧ ଡିସେମ୍ବର ୨୪ରେ ମୋହିତ ଅଦିତିଙ୍କୁ ବିବାହ କରିଥିଲେ। କିଛି ଦିନ ପୂର୍ବେ ସ୍ତ୍ରୀଙ୍କ ସହ ମୋହିତଙ୍କ ସମ୍ପର୍କରେ ତିକ୍ତତା ଆସିଥିବା କଥା ଶୁଣିବାକୁ ମିଳିଥିଲା। ହେଲେ ଅଭିନେତା ଏହାକୁ ଖଣ୍ଡନ କରିଥିଲେ।