ଚେନ୍ନାଇ,୧।୪(ପି.ଟି.): ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ପ୍ରଶଂସାରେ ଶତମୂଖ ହୋଇଛନ୍ତି ଅଲ ରାଉଣ୍ଡର ମୋଇନ ଅଲି। ଦଳରେ ଖେଳାଳିଙ୍କ ପ୍ରଦର୍ଶନ ଉନ୍ନତି ପାଇଁ ସେ ସବୁବେଳେ ସାହାଯ୍ୟ କରିବାକୁ ପ୍ରସ୍ତୁତ ରହିଥାନ୍ତି। ତେଣୁ ତାଙ୍କ ନେତୃତ୍ୱରେ ଖେଳିବାକୁ ସମସ୍ତେ ଇଚ୍ଛୁକ ଥାନ୍ତି ବୋଲି ସିଏସ୍କେ ତାରକା ମୋଇନ କହିଛନ୍ତି। ଧୋନୀଙ୍କ ନେତୃତ୍ୱରେ ଖେଳିଥିବା କ୍ରିକେଟମାନେ ମଧ୍ୟ ସମାନ ମତ ପୋଷଣ କରିଛନ୍ତି। ଖେଳାଳିମାନଙ୍କ ଆତ୍ମବିଶ୍ୱାସ ବଢାଇବାର ଧୋନୀ ସବୁବେଳେ ପ୍ରୟାସ କରିଥାନ୍ତି। ଧୋନୀଙ୍କ ଶାନ୍ତ ସ୍ବାଭାବ ତାଙ୍କ ନେତୃତ୍ୱକୁ ଆହୁରି ଦୃଢ କରିଥାଏ। କୋଚ୍ ଓ ଅଧିନାୟକ ଶାନ୍ତ ଓ ଧୀରସ୍ଥିର ରହିବା ସବୁଠାରୁ ବଡ଼ କଥା। ସୌଭାଗ୍ୟବଶତଃ ଆମକୁ ଏହା ମିଳିଛି। ଚେନ୍ନାଇ ପାଇଁ ଆଇପିଏଲ୍ ଖେଳିବାକୁ ବେଶ୍ ଉତ୍ସାହିତ ରହିଛି। ଦଳରେ ସନ୍ତୁଳନ ରହିଛି ଓ ପୁଣି ଥରେ ସିଏସ୍କେ ଚାମ୍ପିୟନ ହୋଇପାରିବ ବୋଲି ମୋଇନ କହିଛନ୍ତି।
ସିଏସ୍କେ ଖେଳାଳିମାନେ ଏବେ ମୁମ୍ବାରେ ଅଭ୍ୟାସ କରୁଛନ୍ତି। ମୁମ୍ବାଇରେ ସିଏସ୍କେ ତା’ର ପ୍ରଥମ ୫ଟି ମ୍ୟାଚ୍ ଖେଳିବ। ଏପ୍ରିଲ ୧୦ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରୁ ସିଏସ୍କେ ଅଭିଯାନ ଆରମ୍ଭ କରିବ। ମୁମ୍ବାଇ ସିଫ୍ଟ ହେବା ପୂର୍ବରୁ ମାର୍ଚ୍ଚ ୮ ତାରିଖରୁ ଚେନ୍ନାଇରେ ଦଳ ଅଭ୍ୟାସ ଆରମ୍ଭ କରିଥିଲା।