ଡେନପାସାର(ଇଣ୍ଡୋନେସିଆ),୨୨।୧୧: ନେଦରଲାଣ୍ଡର ଆଣ୍ଡେର୍ସ ଆଣ୍ଟୋସେନଙ୍କୁ ହରାଇ ଇଣ୍ଡୋନେସିଆ ମାଷ୍ଟର୍ସ ଟାଇଟଲ ହାତେଇଛନ୍ତି ବିଶ୍ୱ ଚାମ୍ପିୟନ କେଣ୍ଟୋ ମୋମୋଟା। ଗତବର୍ଷ କାର ଦୁର୍ଘଟଣାରେ ଆହତ ହେବା ପରେ ଏହା ତାଙ୍କ କ୍ୟାରିୟରର ପ୍ରଥମ ଟାଇଟଲ। ମୋମୋଟା ପ୍ରତିପକ୍ଷ ଖେଳାଳିଙ୍କୁ ସିଧାସଳଖ (୨୧-୧୭, ୨୧-୧୧) ଗେମ୍ରେ ହରାଇ ଦେଇଥିଲେ।
ବିଶ୍ୱର ଶ୍ରେଷ୍ଠ ବ୍ୟାଡ୍ମିଣ୍ଟନ ଖେଳାଳି କୁହାଯାଉଥିବା ମୋମୋଟା ୨୦୧୯ରେ ହାତେଇଥିଲେ ରେକର୍ଡ ୧୧ଟି ଅନ୍ତର୍ଜାତୀୟ ବ୍ୟାଡ୍ମିଣ୍ଟନ ଟାଇଟଲ। କିନ୍ତୁ ୨୦୨୦, ଜାନୁୟାରୀରେ ସେ ଏକ କାର ଦୁର୍ଘଟଣାର ସମ୍ମୁଖୀନ ହୋଇଥିଲେ। ଏହି ଦୁର୍ଘଟଣାରେ ତାଙ୍କ ଡ୍ରାଇଭରଙ୍କ ମୃତ୍ୟୁ ହୋଇଥିଲା। ଯଦି ଓ ମୋମୋଟାଙ୍କ ଜୀବନ ବର୍ତ୍ତି ଯାଇଥିଲେ, ମାତ୍ର ତାଙ୍କ ଆଖିର ସକେଟ ଫ୍ରାକଚର ହୋଇଯାଇଥିଲା।
ମୋମୋଟା ଟୋକିଓରେ ଅଲିମ୍ପିକ୍ ପଦାର୍ପଣ କରିଥିଲେ। କିନ୍ତୁ ପ୍ରାରମ୍ଭିକ ରାଉଣ୍ଡ ଡେଇଁ ପାରି ନ ଥିଲେ।