ମୁମ୍ବାଇ,୫।୮: ରିଜର୍ଭ ବ୍ୟାଙ୍କର ମୁଦ୍ରାନୀତି କମିଟି (ଏମ୍ପିସି) ବୈଠକ ମଙ୍ଗଳବାରଠାରୁ ଆରମ୍ଭ ହୋଇଛି। ୩ ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଦ୍ୱିମାସିକ ବୈଠକରେ କୋଭିଡ୍-୧୯ ଦ୍ୱାରା ପ୍ରଭାବିତ ଅର୍ଥ ବ୍ୟବସ୍ଥାକୁ ଟ୍ରାକ୍କୁ ଫେରାଇ ଆଣିବାରେ ବିଭିନ୍ନ ପଦକ୍ଷେପ ଘୋଷଣା କରାଯାଇପାରେ। ଋଣ ପୁନର୍ଗଠନ ନେଇ ଶିଳ୍ପଜଗତ ପକ୍ଷରୁ ହୋଇ ଆସୁଥିବା ଦାବି ଉପରେ କେନ୍ଦ୍ରୀୟ ବ୍ୟାଙ୍କ କିଭଳି ପଦକ୍ଷେପ ନେଉଛି ସେ ଉପରେ ବଜାରର ନଜର ରହିଛି। ରିଜର୍ଭ ବ୍ୟାଙ୍କ ଗଭର୍ନର ଶକ୍ତକାନ୍ତ ଦାସଙ୍କ ଅଧ୍ୟକ୍ଷତାରେ ବସିଥିବା ୬ ଜଣିଆ ସଦସ୍ୟ ବିଶିଷ୍ଟ ୨୪ ତମ ଏମ୍ପିସି ବୈଠକରେ ଚଳିତ ସପ୍ତାହ ଗୁରୁବାର ବିଭିନ୍ନ ନିଷ୍ପତ୍ତି ସମ୍ପର୍କରେ ଘୋଷଣା କରାଯିବ।
