ବଲାଙ୍ଗୀର ଅଫିସ, ୬ା୧୦
ବଲାଙ୍ଗୀର ଜିଲାରେ ଦାଦନ ଶ୍ରମିକଙ୍କ ଶୋଷଣ ଓ ନିର୍ଯାତନା ନୂଆକଥା ନୁହେଁ ା ଏବେ ଦାଦନ ଶ୍ରମିକଙ୍କୁ ଶ୍ରମକାର୍ଡ କରାଇଦେବା ନାଁରେ କେତେକ ମଧ୍ୟସ୍ଥ ଅର୍ଥ ଶୋଷଣ କରୁଥିବା ଅଭିଯୋଗ ହୋଇଛି। ବେଲପଡା ବ୍ଳକ ଧୁମାଭଟା ପଞ୍ଚାୟତ ଅନ୍ତର୍ଗତ ଜଲିଆ ଗ୍ରାମର ଶ୍ରମିକମାନେ ଏ ନେଇ ସୋମବାର ଜିଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟରେ ଲିଖିତ ଅଭିଯୋଗ କରିଛନ୍ତି ା ଏହି ଶୋଷଣ ପ୍ରକ୍ରିୟାରେ ମଧ୍ୟସ୍ଥଙ୍କ ସହ ଶ୍ରମ ବିଭାଗର କେତେକ କର୍ମଚାରୀ ମଧ୍ୟ ସାମିଲ ଥିତ୍ବା ସେମାନେ ଅଭିଯୋଗ କରିଛନ୍ତି ା ଶ୍ରମିକମାନଙ୍କୁ ରାଜ୍ୟ ସରକାରଙ୍କ ତରଫରୁ ଦିଆଯାଉଥିବା ଶ୍ରମକାର୍ଡ ପାଇଁ ଶ୍ରମିକମାନେ ଆବେଦନ କରୁଥିଲେ ମଧ୍ୟ ଠିକଣା ସମୟରେ ସେମାନଙ୍କୁ କାର୍ଡ ମିଳୁନାହିଁ ା ଦୂରଦୂରାନ୍ତରୁ ଶ୍ରମିକମାନେ ଏନେଇ ସବୁବେଳେ ଜିଲା ଶ୍ରମ କାର୍ଯ୍ୟାଳୟକୁ ଆସି ବୁଝାବୁଝି କରିପାରୁନାହାନ୍ତି ା ଏହାର ସୁଯୋଗ ନେଇ ମଧ୍ୟସ୍ଥମାନେ ଶ୍ରମିକମାନଙ୍କଠାରୁ କାର୍ଡ କରାଇ ଦେବା ନଁାରେ ଅର୍ଥ ଶୋଷଣ କରୁଥିବା ଅଭିଯୋଗ କରିଛନ୍ତି ା ଏଦିଗରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେମାନେ ନିବେଦନ କରିଛନ୍ତି ା ଅଚ୍ୟୁତ୍ ସିପୁନ୍ ଖମାରୀଙ୍କ ନେତୃତ୍ୱରେ କୁମର ସାହୁ, ଲଳିତ ମୋହନ ବୁଡେକ, ସୁରସେନ୍ ବେହେରା, କେଲାର ସାହୁ ପ୍ରମୁଖ ଆସି ଜିଲା ଶ୍ରମ ଅଫିସରେ ଅଭିଯୋଗ କରିଛନ୍ତି ା