ଇସଲାମାବାଦ୍,୧୬।୩: ଆକାଶରୁ ହେଲିକପ୍ଟରରେ ଟଙ୍କା ଏବଂ ଫୁଲ ବର୍ଷା ହେଉଥିବାରୁ ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି। ରାଜରାସ୍ତାରେ ଲୋକେ ଭିଡ଼ ଜମାଇ ଟଙ୍କା ଗୋଟାଉଥିବାରୁ ଦୃଶ୍ୟ ୧ ମିନିଟ୍ ୫୮ ସେକେଣ୍ଡର ଏହି ଭିଡ଼ିଓରେ ଦେଖିବାକୁ ମିଳୁଛି। ପଞ୍ଜାବ ପ୍ରଦେଶର ମଣ୍ଡି ବହାଉଦ୍ଦିନ୍ ଅଞ୍ଚଳରେ ଏକ ବିବାହ ଉତ୍ସବରେ ଏଭଳି ଘଟିଛି। ବରଙ୍କ ଭାଇ ବିଦେଶରେ ରହୁଥିବାବେଳେ ବିବାହ ଉତ୍ସବ ପାଇଁ ହେଲିକପ୍ଟର ଭଡ଼ାରେ ଆଣିଥିଲେ। ରାଜରାସ୍ତାରେ ବରଯାତ୍ରୀ କନ୍ୟା ଘର ମୁହାଁ ହୋଇଥିବା ବେଳେ ସେମାନଙ୍କ ଉପରେ ଆକାଶରୁ ଟଙ୍କା ଓ ଫୁଲ ବର୍ଷା କରାଯାଇଥିଲା। ସମ୍ପ୍ରତି ପାକିସ୍ତାନର ଆର୍ଥିକ ସ୍ଥିତି ଖରାପ ରହିଛି। ଏପରିସ୍ଥଳେ ଟଙ୍କା ଗୋଟାଇବା ପାଇଁ ସ୍ଥାନୀୟ ଲୋକଙ୍କ ମଧ୍ୟରେ ପ୍ରତିଯୋଗିତାର ଲାଗି ଯାଇଥିଲା। ଲୋକେ ବରଯାତ୍ରୀଙ୍କ ମଧ୍ୟରେ ପଶି ରାସ୍ତାରେ ଅଟକି ରହିଥିବା ଗାଡ଼ି ଉପରେ ଚଢ଼ି ଟଙ୍କା ଗୋଟାଇ ଥିଲେ।
