ଷ୍ଟକହୋମ,୪।୧୦ : ରସାୟନ ବିଜ୍ଞାନ କ୍ଷେତ୍ରରେ ୨୦୨୩ପାଇଁ ନୋବେଲ ପୁରସ୍କାର ଘୋଷଣା କରାଯାଇଛି। ଏହି ବର୍ଷ ମାସାଚୁସେଟ୍ସ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିରୁ ମାଙ୍ଗି ଜି ବାୱେଣ୍ଡି, କଲମ୍ବିଆ ୟୁନିଭରସିଟିର ଲୁଇସ ଇ ବ୍ରୁସ ଏବଂ ନାନୋକ୍ରିଷ୍ଟାଲ ଟେକ୍ନୋଲୋଜିରେ କାର୍ଯ୍ୟ କରୁଥିବା ଆଲେକ୍ସି ଆଇ ଏକିମୋଭଙ୍କୁ ମିଳିତ ଭାବେ ଏହି ସମ୍ମାନ ପ୍ରଦାନ କରାଯାଇଛି।
କ୍ୱାଣ୍ଟମ ବିନ୍ଦୁଗୁଡ଼ିକର ଆବିଷ୍କାର ଏବଂ ସିନ୍ଥେସିସ ପାଇଁ ଏହି ପୁରସ୍କାର ପ୍ରଦାନ କରାଯାଇଛି। ରୟାଲ ସ୍ବିଡେନ ଏକାଡେମୀ ଅଫ ସାଇନ୍ସ ବୁଧବାର ଏହା ଘୋଷଣା କରିଛି।
ବାୱେଣ୍ଡି ଫ୍ରେଞ୍ଚ ଏବଂ ଟ୍ୟୁନିସିଆର ଜଣେ ଆମେରିକୀୟ ରସାୟନ ବିଜ୍ଞାନୀ। ବ୍ରୁସ କଲମ୍ବିଆ ୟୁନିଭରସିଟିରେ ଅବସ୍ଥିତ ଏବଂ ଏକିମୋଭ ନ୍ୟୁୟର୍କର ଏକ କମ୍ପାନୀ ନାନୋକ୍ରିଷ୍ଟାଲ ଟେକ୍ନୋଲୋଜିର ମୁଖ୍ୟ ବୈଜ୍ଞାନିକ ଭାବେ କାର୍ଯ୍ୟ କରୁଛନ୍ତି।
ଏକାଡେମୀ ପାଇଁ ଏକ ଲଜ୍ଜାଜନକ ଘଟଣାରେ ବୁଧବାର ସକାଳେ ଏକ ସ୍ବିଡେନ ଖବରକାଗଜର ଇମେଲରେ ଏହି ତିନି ନାମ ଲିକ ହେବା ପରେ ସରକାରୀ ଭାବେ ଘୋଷଣା କରାଯାଇଥିଲା। ରସାୟନ ବିଜ୍ଞାନ ପାଇଁ ଏକାଡେମୀର ନୋବେଲ କମିଟିର ଚେୟାରମ୍ୟାନ ଜୋହାନ ଆକ୍ଭିଷ୍ଟ ଦାବି କରିଛନ୍ତି ବିଜେତା ଚୟନ କରାଯାଇ ନ ଥିଲା, କିନ୍ତୁ ଘୋଷଣା ପରେ ନାମ ନିଶ୍ଚିତ ହୋଇଛି।
ବାୱେଣ୍ଡି କହିଛନ୍ତି ରାତାରାତି ଫୋନ କଲ ମାଧ୍ୟମରେ ତାଙ୍କ ପୁରସ୍କାର ବିଷୟରେ ଜାଣିବା ପରେ ଆଶ୍ଚର୍ଯ୍ୟ, ଚକିତ ହେବା ସହିତ ସମ୍ମାନିତ ଅନୁଭବ କରିଥିଲେ । ତେବେ ସେ ଏହି ଲିକ ବିଷୟରେ ସେ ଜାଣି ନ ଥିବା କହିଥିଲେ।
