ସାଧାରଣତଃ ସମାଜରେ କିଛି ଲୋକ ମଦ ପିଇବାରେ ଅଭ୍ୟସ୍ତ ଥାନ୍ତି। ମାତ୍ର ଯଦି ଜୀବଜନ୍ତୁ ମଦ ପିଉଥିବାର ଦେଖିବେ ତେବେ ଆଶ୍ଚର୍ଯ୍ୟ ହେବା ସ୍ବାଭାବିକ କଥା। ଏହାକୁ ନେଇ ମନରେ ଅନେକ ପ୍ରଶ୍ନ ଉଠିଥାଏ। ଏବେ ମଧ୍ୟପ୍ରଦେଶର ମଣ୍ଡଳାରୁ ଏକ ଚକିତ ଖବର ସାମ୍ନାକୁ ଆସିଛି। ଗୋଟିଏ ମାଙ୍କଡ଼ ଠିପି ଖୋଲି କିପରି ଢକଢକ କରି ମଦ ପିଉଛି ତା’ର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି।
ଏହି ଭିଡିଓରେ ଦେଖିବାକୁ ମିଳିଛି, ଏକ ମଦ ଦୋକାନ ଭିତରେ ମାଙ୍କଡ଼ଟି ବସିଛି। ହାତରେ ମଦ ବୋତଲ ଧରି ଠିପି ଖୋଲିବାକୁ ବହୁ ଚେଷ୍ଟା କରୁଛି। ପରବର୍ତ୍ତୀ ସମୟରେ ଏଥିରେ ସଫଳ ହୋଇ ଢକଢକ କରି ମଦ ପିଉଛି। ମାଙ୍କଡ଼ର ଏପରି କାର୍ଯ୍ୟ ଦେଖି କେହି ଗ୍ରାହକ ଏହାର ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ଭାଇରାଲ କରିଦେଇଛନ୍ତି। ଯାହା ଏବେ ଖୁବ୍ ଭାଇରାଲ ହେଉଛି।
ଭିଡିଓଟି ସୁଧାଂଶୁ ମହେଶ୍ୱରୀ ନାମକ ଜଣେ ୟୁଜର ଶେୟାର କରିଛନ୍ତି। ଏହି ଭିଡିଓ ଦେଖି ଅନ୍ୟ ୟୁଜରମାନେ ବେଶ୍ ମଜାଳିଆ କମେଣ୍ଟ ସବୁ ଦେଇଥିବା ନଜର ଆସିଛି। ବୁଧବାର ଭିଡିଓଟି ଶେୟାର ହୋଇଥିବା ବେଳେ ବର୍ତ୍ତମାନ ସୁଦ୍ଧା ଏହାକୁ ୨୨୨ ଜଣ ଦେଖିସାରିଲେଣି।
