ଆଜିକାଲି ସୋସିଆଲ ମିଡିଆରେ ଅନେକ କୌତୂହଳପୂର୍ଣ୍ଣ ଭିଡିଓ ଭାଇରାଲ ହେଉଥିବାର ଦେଖିଥିବେ। ଏବେ ସେମିତି ଏକ ମାଙ୍କଡ଼ର ଭିଡିଓ ଭାଇରାଲ ହେଉଛି। ଯାହା ଦେଖିଲେ ହସି ହସି ଗଡ଼ିବେ। ଏକ ମାଙ୍କଡ଼ ସେଲୁନ୍ରେ ଦାଢ଼ି କାଟିବାକୁ ପହଞ୍ଚିଛି। ସେ କେମିତି ଦାଢ଼ି କାଟୁଛି ଭିଡିଓ ଦେଖିଲେ ଜାଣିପାରିବେ। ଭିଡିଓଟିକୁ ଆଇପିଏସ୍ ଅଧିକାରୀ ରୂପିନ୍ ଶର୍ମା ତାଙ୍କ ଟୁଇଟର ଆକାଉଣ୍ଟରେ ଶେୟାର କରିଛନ୍ତି।
ଭିଡିଓରେ ଏକ ଚେୟାର ଉପରେ ମାଙ୍କଡ଼ଟି ଯାଇ ବସୁଛି। ଏହା ପରେ ଆରାମରେ ଦାଢ଼ି କାଟିବାକୁ ଦେଖାଉଛି। ସେଲୁନ ବାଲା ଟ୍ରିମର ସାହାଯ୍ୟରେ ମାଙ୍କଡ଼ର ଦାଢ଼ିକୁ ଖୁବ୍ ସୁନ୍ଦର ଭାବରେ କାଟୁଥିବା ଦେଖିବାକୁ ମିଳିଛି। ମାଙ୍କଡ଼ଟି ଆଦୌ ହଇରାଣ କରୁନି। ଆରାମରେ ବସି ଦାଢ଼ି କାଟୁଛି। ମାଙ୍କଡ଼ର ଦାଢ଼ି କାଟିବା ସୌକ୍ ଦେଖି ପାଖରେ ଥିବା କିଛି ଲୋକ ହସୁଛନ୍ତି। କିଛି ଲୋକ ଭିଡିଓ ବି କରିଛନ୍ତି।
ଭିଡିଓ ଶେୟାର କରି ରୂପିନ୍ କ୍ୟାପଶନ ଲେଖିଛନ୍ତି, ଏବେ ସ୍ମାର୍ଟ ଲାଗୁଛ। ଭିଡିଓଟିକୁ ବହୁ ଲୋକ ପସନ୍ଦ କରିଛନ୍ତି। ବର୍ତ୍ତମାନ ସୁଦ୍ଧା ୨ ହଜାରରୁ ଅଧିକ ଲୋକ ଏହାକୁ ଦେଖିସାରିଲେଣି। ୟୁଜରମାନେ ଭିଡିଓ ଦେଖି ନିଜ ନିଜର ପ୍ରତିକ୍ରିୟା ବି ଦେଇଛନ୍ତି। ଜଣେ ୟୁଜର ଲେଖିଛନ୍ତି, ଭଲ କି ଦାଢ଼ି କାଟିବା ଉଚିତ୍। ମୋର ଆଜି ବାହାଘର। ଆଉ ଜଣେ ୟୁଜର ଲେଖିଛନ୍ତି, ଖୁବ୍ ମଜାଳିଆ ଭିଡିଓ।