ସୋସିଆଲ ମିଡିଆରେ ପଶୁମାନେ ଏମିତି କିଛି କାମ କରିଥାନ୍ତି, ଯାହା ଆଶ୍ଚର୍ଯ୍ୟ କରିଥାଏ। ମଣିଷମାନେ ଯାହା କରନ୍ତି, ସେମାନେ ଏହାକୁ ନକଲ କରିଥାନ୍ତି। ଏବେ ସୋସିଆଲ ମିଡିଆରେ ଏକ ମାଙ୍କଡ଼ ଗୁଡ଼ି ଉଡ଼ାଉଥିବାର ଭିଡିଓ ଭାଇରାଲ ହେଉଛି। ଏମିତିରେ ମାଙ୍କଡ଼ମାନେ ମଣିଷର ପୂର୍ବଜ ଅଟନ୍ତି। ତେଣୁ ମଣିଷର ଚାଲିଚଳନ ଯାହା ସେମାନେ ଅବିକଳ କରିଥାନ୍ତି।
sad_status_songs ନାମକ ଏକ ଇନ୍ଷ୍ଟାଗ୍ରାମ ଆକାଉଣ୍ଟରେ ଏହି ଭିଡିଓଟି ଶେୟାର ହୋଇଛି। ଯେଉଁଥିରେ ଏକ ମାଙ୍କଡ଼ ଛାତ ଉପରେ ଚଢ଼ି ଏକ ଗୁଡ଼ି ଉଡ଼ାଉଥିବାର ଦେଖିବାକୁ ମିଳିଛି। ମଣିଷ ପରି ମାଙ୍କଡ଼ଟି ହାତରେ ନଟେଇ ଧରି ଗୁଡ଼ି ଉଡ଼ାଉଛି। ସେ ଆକାଶରେ ଉଡୁଥିବା ଅନ୍ୟ ଗୁଡ଼ିକୁ କାଟିବାକୁ ଚାହୁଁଛି। ଏହି ସମୟରେ ବାହାରେ ଥିବା ଲୋକମାନେ ମାଙ୍କଡ଼ର ଗୁଡ଼ି ଉଡ଼ାକୁ ବେଶ୍ ଆଗ୍ରହର ସହ ଉପଭୋଗ କରୁଛନ୍ତି।
ସୋସିଆଲ ମିଡିଆ ବ୍ୟବହାରକାରୀମାନେ ମାଙ୍କଡ଼ର ଗୁଡ଼ା ଉଡ଼ା ଶୈଳୀକୁ ପସନ୍ଦ କରିଛନ୍ତି। ଏହାପୂର୍ବରୁ ମାଙ୍କଡ଼ମାନଙ୍କ ଅନେକ କାର୍ଯ୍ୟକଳାପ ଦେଖିବାକୁ ମିଳିଥିଲା। କିନ୍ତୁ ଗୁଡ଼ି ଉଡ଼ାଇବା ପ୍ରତିଭା ଅଧିକାଂଶ ଲୋକଙ୍କ ପାଇଁ ନୂଆ ଥିଲା। ଭିଡିଓଟିକୁ ୪ ଲକ୍ଷରୁ ଅଧିକ ପସନ୍ଦ କରିଛନ୍ତି।