ମାଙ୍କଡ଼କୁ ସବୁଠାରୁ ଅନୁକରଣକାରୀ ପ୍ରାଣୀ ଭାବରେ ବିବେଚନା କରାଯାଏ। ତାଲିମ ପାଇବା ମାତ୍ରେ ସେ ଏତେ ଆଶ୍ଚର୍ଯ୍ୟଜନକ ଅଭିନୟ ଆରମ୍ଭ କରନ୍ତି ଯେ, ବିଶ୍ୱାସ କରିବା କଷ୍ଟକର। ଅନେକଥର ମାଙ୍କଡ଼ମାନେ ସେମାନଙ୍କ ଦୁଃସାହସିକ କାର୍ଯ୍ୟ କରୁଥିବା ଆମେ ଦେଖିଛେ। ବେଳେବେଳେ କାହାର ଚଷମା ଛଡ଼ାଇ ନିଅନ୍ତି ତ ଆଉ କେତେବେଳେ କାହାର ଟୋପି, ଖାଦ୍ୟ ସାମଗ୍ରୀ ଛଡ଼ାଇ ନେଇଯାନ୍ତି। ମାଙ୍କଡ଼ ସମ୍ବନ୍ଧୀୟ ଅନେକ ଭିଡିଓ ସୋସିଆଲ ମିଡିଆରେ ବି ଭାଇରାଲ ହୋଇଥାଏ। ଯାହା ଖୁବ୍ ମଜାଳିଆ। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯାହା ଦେଖି ଲୋକେ ଆଶ୍ଚର୍ଯ୍ୟ ହେବା ସହ ମଜା ନେଉଛନ୍ତି।
_arun_520 ନାମକ ଏକ ଇନ୍ଷ୍ଟାଗ୍ରାମରେ ଭିଡିଓଟି ଶେୟାର କରାଯାଇଛି। ଯେଉଁଥିରେ ମଣିଷ ପରି ବସି ମାଙ୍କଡ଼ ବାସନ ମାଜୁଛି। କେବଳ ଏତିକି ନୁହେଁ, ଜଣେ ମହିଳା ମାଙ୍କଡ଼ ନିକଟକୁ ଆହୁରି ଅଧିକ ବାସନ ଆଣି ରଖି ଦେଉଛନ୍ତି। ମାଙ୍କଡ଼ ଏକ ଲୟରେ ଘଷି ଘଷି ବାସନ ମାଜି ଚାଲିଛି। ମାଙ୍କଡ଼ର ବାସନ ମଜା ନିକଟରେ ମଣିଷ ମଧ୍ୟ ଫେଲ୍ ମାରିଯିବ।
ଭିଡିଓଟି ଲୋକଙ୍କୁ ବହୁତ ପସନ୍ଦ ଆସିଛି। ୟୁଜରମାନେ ମାଙ୍କଡ଼ର ବାସନ ମଜା ଦେଖି ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। ଏହି ଭିଡିଟି ବର୍ତ୍ତମାନ ସୁଦ୍ଧା ୨.୩୫ ଲକ୍ଷରୁ ଅଧିକ ଭ୍ୟୁ ପାଇସାରିଲାଣି।