ସୋସିଆଲ ମିଡିଆରେ ପ୍ରତିଦିନ କିଛି ନା କିଛି ଭିଡିଓ ଭାଇରାଲ ହୋଇଥାଏ। ଯାହାକୁ ଦେଖିଲେ ଓଠରେ ହସ ଫୁଟିଉଠେ। ବେଳେବେଳେ ଏମିତି ଭିଡିଓ ଶେୟାର ହୋଇଥାଏ ଯାହା ହୃଦୟକୁ ଛୁଇଁଯାଏ। ଠିକ୍ ସେମିତି ଏକ ଭିଡିଓ ଭାଇରାଲ ହେଉଛି। ଭିଡିଓରେ ଏକ ମା’ ମାଙ୍କଡ଼ ତା’ ଛୁଆର ଲାଙ୍ଗୁଡକୁ ଧରୁଛି। ଏହା ପରେ ମାଙ୍ଗଡ଼ ଛୁଆଟି ମା ଉପରକୁ ଡେଇଁ ତାକୁ ଗେଲ ପରେ ଗେଲ କରି ପକାଉଛି।
ଭିଡିଓଟିକୁ ହର୍ଷ ଗୋଏଙ୍କା ତାଙ୍କ ଟୁଇଟର ପେଜ୍ରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ମୁଁ ଏହି ଭିଡିଓକୁ ଦେଖିଲି। ଆଉ ଭଗବାନଙ୍କୁ କହିଲି ପ୍ରଭୁ ମୋତେ ଏମିତି ଦରକାର। ପ୍ରଭୁ ତୁମେ ମୋ ଗାଲରେ ଗେଲ କର ଆଉ ମୋ’ ତରଫରୁ ବୋଲି କୁହ।
ଏହି ଭିଡିଓକୁ ବର୍ତ୍ତମାନ ସୁଦ୍ଧା ୭୮୦୦୦ ଲୋକ ଦେଖିସାରିଲେଣି। ୬ ହଜାରରୁ ଅଧିକ ଲୋକ ପସନ୍ଦ କରିଥିବା ବେଳେ ୯୦୦ରୁ ଅଧିକ ଲୋକ ରିଟୁଇଟ୍ କରିଛନ୍ତି। ଲୋକଙ୍କୁ ଏହି ଭିଡିଓ ଖୁବ୍ ପସନ୍ଦ ଆସିଛି।