ନୂଆଦିଲ୍ଲୀ,୨୭।୭: ସାରା ବିଶ୍ୱରେ ମଙ୍କିପକ୍ସର ବିପଦ ମଧ୍ୟରେ କେନ୍ଦ୍ର ସରକାର ବୁଧବାର ଏକ ବଡ ନିଷ୍ପତ୍ତି ନେଇଛନ୍ତି। ମଙ୍କିପକ୍ସ ବିରୋଧରେ ଟିକା ବିକଶିତ କରିବା ପାଇଁ ସରକାର ଏକ୍ସପ୍ରେସନ ଅଫ ଇଣ୍ଟରେଷ୍ଟ(ଇଓଆଇ) ବା ଟେଣ୍ଡର ଡାକିଛନ୍ତି। ମଙ୍କିପକ୍ସ ବିରୋଧରେ ଟିକା ତିଆରି କରିବା ଓ ଏହାର ଯାଞ୍ଚ କରିପାରୁ ଥିବା କିଟ୍ ବିକଶିତ କରିବା ପାଇଁ ଏହି ଟେଣ୍ଡର ଡକାଯାଇଛି। ଏହାର ଅର୍ଥ ଘରୋଇ କମ୍ପାନୀ ଓ ସରକାର ମିଳିତ ଭାବେ ମଙ୍କିପକ୍ସ ପାଇଁ ଟିକା ଓ କିଟ ଉପରେ ଗବେଷଣା କରିବେ। ଟେଣ୍ଡର ନେବାକୁ ଆଗ୍ରହୀ ଥିବା କମ୍ପାନୀ ୧୦ ଅଗଷ୍ଟ ସୁଦ୍ଧା ଇଆଇଓ ଜମା କରିପାରିବେ। ୨୦୧୯ରୁ ମଙ୍କିପକ୍ସ ପାଇଁ ଟିକାର ବିକଶିତ କରାଯାଇଛି। ହେଲେ ଏହାର ସୀମିତ ବ୍ୟବହାର କରାଯାଉଛି।
ସୂଚନାଯୋଗ୍ୟ, ଏପର୍ଯ୍ୟନ୍ତ ଦେଶରେ ମଙ୍କିପକ୍ସର ଚାରିଟି ମାମଲା ରହିଛି। ଏଥିମଧ୍ୟରୁ ୩ଟି ମାମଲା କେରଳକୁ ଆସିଛି ଏବଂ ଗୋଟିଏ ମାମଲା ଦିଲ୍ଲୀରେ ନିଶ୍ଚିତ ହୋଇଛି।