ଏରସମା,୫।୩(ସ୍ବ.ପ୍ର.): ଜଣେ ମହିଳାଙ୍କ ମୃତ ଦେହ ନିକଟରେ ଏକ ବୁଲା ବାନର ଦୀର୍ଘ ୪ଘଣ୍ଟା ବସି ରହି ଲୁହ ଝରାଇଛି। ଏରସମା ବ୍ଳକ ଅନ୍ତର୍ଗତ ନୂଆଗାଁରେ ଘଟିଥିବା ଏହି ଘଟଣା ଆଲୋଚନାର ବିଷୟବସ୍ତୁ ହୋଇଛି। ଏହାକୁ ଦେଖିବାକୁ ଶତାଧିକ ଲୋକ ସମବେତ ହୋଇଥିଲେ। ନୂଆଗାଁର ସ୍ବର୍ଗତ ପ୍ରଦୀପ ଦାସଙ୍କ ସ୍ତ୍ରୀ ମଞ୍ଜୁ ଦାସ(୪୬)ଙ୍କ ଶୁକ୍ରବାର ମୃତ୍ୟୁ ଘଟିଛି। ସେ ଜଣେ ଧର୍ମପରାୟଣ ମହିଳା ଥିଲେ। ତାଙ୍କ ଅକାଳ ବିୟୋଗରେ ବନ୍ଧୁ ପରିଜନଙ୍କ ମଧ୍ୟରେ ଶୋକର ଛାୟାଖେଳି ଯାଇଛି ା ଗ୍ରାମବାସୀ ଶେଷକୃତ୍ୟ ସମ୍ପନ୍ନ କରିବା ପାଇଁ ଉଦ୍ୟମ କରିବାବେଳେ ଏକ ବୁଲା ହନୁ ମାଙ୍କଡ଼ ସେଠାରେ ପହଞ୍ଚତ୍ ମୃତ ମଞ୍ଜୁଙ୍କ ଘର ଭିତରକୁ ପଶିଯାଇଥିଲା। ଲୋକେ ଏହା ଦେଖି ଆଡେଇ ହୋଇଯିବାରୁ ସେ ସିଧା ମଞ୍ଜୁଙ୍କ ମୃତଦେହ ନିକଟରେ ପହଞ୍ଚତ୍ ସେଠାରେ ବସିଥିଲା। ଉକ୍ତ ମାଙ୍କଡ଼ ସହ ମଞ୍ଜୁଙ୍କ କୌଣସି ସମ୍ପର୍କ ନ ଥିଲେ ମଧ୍ୟ ସେ ସେଠାରେ ଦୀର୍ଘ ସମୟ ଧରି ବସି ରହିଥିଲା। ହେଲେ କାହାର କିଛି କ୍ଷତି କରି ନ ଥିଲା ା ମାଙ୍କଡ଼ଟି ଅଧିକାଂଶ ସମୟରେ ମୃତଦେହ ନିକଟରେ ମୁଣ୍ଡ ତଳକୁ କରି ଲୁହ ଝରାଉଥିଲା ବୋଲି ପ୍ରତ୍ୟକ୍ଷଦର୍ଶୀମାନେ କହିଛନ୍ତି। ଉକ୍ତ ମାଙ୍କଡ଼ଟି ସେଠାରୁ ପଳାଇଯିବା ପରେ ମୃତଦେହ ସଂସ୍କାର କରାଯାଇଥିଲା ବୋଲି ପରିବାର ସଦସ୍ୟ କହିଛନ୍ତି।