ମୁମ୍ବାଇ/ଅହମ୍ମଦାବାଦ ୧୪ା୭: ଦେଶର ବିଭିନ୍ନ ସ୍ଥାନର ମୌସୁମୀଜନିତ ବର୍ଷା ଜଳପ୍ରଳୟ ସୃଷ୍ଟି କରିଛି। ଏକାଧିକ ରାଜ୍ୟରେ ବନ୍ୟା ଯୋଗୁ ଶତାଧିକ ଜୀବନ ହାନି ହେବା ସହ ହଜାର ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି। ଗତ ୧୦ ଦିନରେ ମହାରାଷ୍ଟ୍ରରେ ବହୁଳ ମାତ୍ରାରେ ବର୍ଷା ନାହିଁ ନ ଥିବା ସ୍ଥିତି ଉପୁଯାଇଛି। ଏପର୍ଯ୍ୟନ୍ତ ବର୍ଷା ବିପତ୍ାତରେ ଏହି ରାଜ୍ୟରେ ୮୪ ଲୋକଙ୍କ ଜୀବନ ଯାଇଥିବାବେଳେ ୬୬ ଜଣ ଆହତ ହୋଇଛନ୍ତି। ଭାରତୀୟ ପାଣିପାଗ ବିଭାଗ (ଆଇଏମ୍ଡି) ପକ୍ଷରୁ ମୁମ୍ବାଇ, ଠାଣେ, କୋଙ୍କଣ ଅଞ୍ଚଳ ଏବଂ ଗଡଚିରୋଲି ଜିଲାରେ ଭୀଷଣ ବର୍ଷା ହେବା ନେଇ ପୂର୍ବାନୁମାନ କରାଯିବା ସହ ସେଠାରେ ରେଡ୍ ଆଲର୍ଟ ଜାରି କରାଯାଇଛି। କେବଳ ଗଡଚିରୋଲିରେ ୨୪୯ ଗ୍ରାମ ବନ୍ୟା ଯୋଗୁ ବ୍ୟାପକ କ୍ଷତିଗ୍ରସ୍ତ ହୋଇଛି। ଏନ୍ଡିଆର୍ଏଫ୍ ଏବଂ ଏସ୍ଡିଆର୍ଏଫ୍ ପକ୍ଷରୁ ଉଦ୍ଧାର କାର୍ଯ୍ୟ ଜାରିରହିଛି।
ମଧ୍ୟ ଲୋକେ ଭୀଷଣ ବର୍ଷାଜନିତ ବିପର୍ଯ୍ୟୟର ସାମ୍ନା କରୁଛନ୍ତି। ଗତ ୨୪ ଘଣ୍ଟାରେ ଆଉ ୬ ଜଣଙ୍କୁ ମିଶାଇ ମୃତ୍ୟୁସଂଖ୍ୟା ୬୯କୁ ବୃଦ୍ଧିପାଇଛି। ୨୭,୮୯୬ ଲୋକଙ୍କୁ ବନ୍ୟା ପ୍ରଭାବିତ ଅଞ୍ଚଳରୁ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରୁ ୧୮,୨୨୫ ଜଣ ଆଶ୍ରୟସ୍ଥଳୀରେ ରହିଛନ୍ତି। ଦକ୍ଷିଣ ଗୁଜରାଟର କୁଚ୍ ଏବଂ ରାଜକୋଟରେ ମୂଷଳ ଧାରାରେ ବର୍ଷା ହୋଇଛି। ବଲସାସ୍, ନଭସାରୀ, ସୁରଟ, ତପି, ଡଙ୍ଗ, ନର୍ମଦା, ଛୋଟା ଉଦୟପୁର ଜିଲା ସମେତ କୁଚ, ରାଜକୋଟ, ଜାମନଗର, ଦେବଭୂମି ଦ୍ୱାରକା, ମୋରବି ଅଞ୍ଚଳରେ ଆଇଏମ୍ଡି ପକ୍ଷରୁ ରେଡ୍ ଆଲର୍ଟ ଜାରି ହୋଇଛି। କର୍ନାଟକରେ ବର୍ଷାବିତ୍ପାତ ଅଦ୍ୟାବଧି ୩୨ ଜଣଙ୍କ ଜୀବନ ନେଲାଣି। ୫ ଜଣ ନିଖୋଜ ଥିବାବେଳେ ୩୪ ଆହତ ହୋଇଛନ୍ତି। ପ୍ରଭାବିତଙ୍କ ପୁନଃ ଥଇଥାନ ନିମନ୍ତେ ରାଜ୍ୟ ସରକାର ତତ୍କାଳ ୫ଶହ କୋଟି ଟଙ୍କା ଘୋଷଣା କରିଛନ୍ତି। ଏଥିସହ ଦିଲ୍ଲୀ, ତେଲଙ୍ଗାନାରେ ମଧ୍ୟ ମୌସୁମୀ ବର୍ଷା ଲାଗିରହିଛି।