ଓ୍ବାଶିଂଟନ,୧୮।୫ : ଆମେରିକାର ମୋଣ୍ଟାନା ରାଜ୍ୟ ଚାଇନାର ଆପ ଟିକ ଟକ ଉପରେ ପ୍ରତିବନ୍ଧକ ଲଗାଇଛି। ଟିକ ଟକକୁ ନିଷେଧ କରିଥିବା ମୋଣ୍ଟାନା ଆମେରିକାର ପ୍ରଥମ ରାଜ୍ୟ ହୋଇଛି। ସୁରକ୍ଷା ଚିନ୍ତାଧାରାକୁ ଦୃଷ୍ଟିରେ ରଖି ହେସ ମୋଣ୍ଟାନା ଏହି ପଦକ୍ଷେପ ନେଇଛନ୍ତି।
ଟୁଇଟରରେ ରିପବ୍ଲିକାନ ଗଭର୍ନର ଗ୍ରେଗ ଜିଆନଫୋର୍ଟ ମୋଣ୍ଟାନାଠାରେ ଟିକ ଟକ ଉପରେ ପ୍ରତିବନ୍ଧକ ଘୋଷଣା କରି କହିଛନ୍ତି ଚାଇନା କମ୍ୟୁନିଷ୍ଟ ପାର୍ଟି ସହିତ ରାଜ୍ୟ ଏହାର ବ୍ୟକ୍ତିଗତ ତଥ୍ୟ ବାଣ୍ଟିବାକୁ ଚାହୁଁ ନ ଥିବାରୁ ଏହି ପ୍ରତିବନ୍ଧକ ଲଗାଯାଇଛି। ଟିକ ଟକ କେବଳ ଏକ ଆପ ଯାହା ବିଦେଶୀ ପ୍ରତିଦ୍ୱନ୍ଦ୍ୱୀମାନଙ୍କ ସହିତ ସଂଯୁକ୍ତ। ଜିଆନଫୋର୍ଟ ଟୁଇଟ କରିଛନ୍ତି ଆଜି ମୁଁ ରାଜ୍ୟ ମୁଖ୍ୟ ସୂଚନା ଅଧିକାରୀଙ୍କୁ ନିର୍ଦ୍ଦେଶ ଦେଇଛି । ଯାହାଦ୍ୱାରା ରାଜ୍ୟ ନେଟୱାର୍କର ବିଦେଶୀ ଶତ୍ରୁମାନଙ୍କୁ ବ୍ୟକ୍ତିଗତ ସୂଚନା କିମ୍ବା ତଥ୍ୟ ପ୍ରଦାନ କରୁଥିବା ଆପ ଉପରେ ପ୍ରତିବନ୍ଧକ ଲଗଯାଇଛି।
ସେ କହିଛନ୍ତି ଡିସେମ୍ବର ୨୦୨୨ ରେ ମୋଣ୍ଟାନା ସରକାର ବ୍ୟବହାର କରୁଥିବା ଆପକୁ ନିଷିଦ୍ଧ କରିବାବେଳେ ଟିକ ଟକ ଗୋପନୀୟ ରାଜ୍ୟ ସୂଚନା ପାଇଁ ଏକ ବଡ଼ ବିପଦ ସୃଷ୍ଟି କରିଥିଲା। ଭିଡିଓ ଶେୟାର୍ ସୋସିଆଲ ନେଟୱାର୍କିଂ ପ୍ଲାଟଫର୍ମଗୁଡିକ ଆମେରିକାରେ ଉଭୟ କେନ୍ଦ୍ର ସରକାର ଏବଂ ଅଧାରୁ ଅଧିକ ରାଜ୍ୟ ଦ୍ୱାରା ନିଷେଧ କରାଯାଇଛି।
