ମୋରଡ଼ା,୧୦ା୫(ସ୍ମାରକ ମାଜୀ): ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକରେ ବେଆଇନ ମାଟି ଓ଼ ମୋରମ ଚାଲାଣକାରୀ ସକ୍ରିୟ ହୋଇ ପଡ଼ିଛନ୍ତି। ସଂରକ୍ଷିତ ଜଙ୍ଗଲରୁ ମାଟି ଓ଼ ମୋରମ ଚାଲାଣ କରୁଛନ୍ତି। ଏନେଇ ପ୍ରଶାସନ ଚୁପ୍ ବସିଥିବାରୁ ସାଧାରଣରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି। ତେବେ ବିଳମ୍ବରେ ହେଉପଛେ ଗୁୁରୁବାର ବନ ବିଭାଗ ଚଢ଼ାଉ କରି ୧୧ଟି ମାଟି ବୋଝେଇ ଡମ୍ଫରକୁ ଜବତ କରିବା ସହିତ ସମସ୍ତ ଡ୍ରାଇଭରଙ୍କୁ ଗିରଫ କରିଛି।
ଅନୁଯାୟୀ, ମୋରଡ଼ା ବ୍ଲକ ଅଧୀନ ବାଙ୍କବଣ ସଂରକ୍ଷିତ ଜଙ୍ଗଲରେ ଥିବା ଗଛକୁ କାଟି ଚାଲାଣକାରୀମାନେ ରାସ୍ତା ତିଆରି କରି ବର୍ଷ ତମାମ ମାଟି ଓ଼ ମୋରମ ଚାଲାଣ କରୁଥିବା ଅଭିଯୋଗ ହୋଇ ଆସୁଥିଲା। ଗୁରୁବାର ଉକ୍ତ ଜଙ୍ଗଲରୁ ଜେସିବି ସାହାଯ୍ୟରେ ମାଟି ଖୋଳି ପଡ଼ୋଶୀ ବାଲେଶ୍ୱର ଓ଼ ପଶ୍ଚିମବଙ୍ଗକୁ ଡମ୍ଫର ସହାୟତାରେ ଚାଲାଣ ହେଉଥିବା ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ। ରେଞ୍ଜର ଘନଶ୍ୟାମ ସିଂ, ଫରେଷ୍ଟର ଅଶୋକ ମାଝି, ଫରେଷ୍ଟ ଗାର୍ଡ ଚିତ୍ତରଞ୍ଜନ ଜେନା ଘଟଣାସ୍ଥଳରେ ପହଞ୍ଚି ମୋଟ ୧୧ ଡମ୍ଫରକୁ ଜବତ କରି ମୋରଡାସ୍ଥିତ ବନ ବିଭାଗ କାର୍ଯ୍ୟାଳୟକୁ ଆଣିଥିଲେ। ଜବତ ଡମ୍ଫରଗୁଡ଼ିକର ସମସ୍ତ ଡ୍ରାଇଭରଙ୍କୁ ମଧ୍ୟ ଗିରଫ କରାଯାଇଥିବା ରେଞ୍ଜର ସିଂ ସୂଚନା ଦେଇଛନ୍ତି। ଏବବାଦରେ ମାଇନିଂ ଅଫିସର ଉଦୟଭାନୁ ସାହୁଙ୍କୁ ପଚାରିବାରୁ ଘଟଣାସ୍ଥଳରେ ସେ ମଧ୍ୟ ପହଞ୍ଚତ୍ ଥିଲେ ଓ ପୂର୍ବରୁ ମାଇନିଂ ବିଭାଗ ପକ୍ଷରୁ ଅନେକ ଥର ଚଢ଼ାଉ କରାଯାଇଛି ବୋଲି କହିଛନ୍ତି।
