ପ୍ୟୋଙ୍ଗୟାଙ୍ଗ,୧୯।୨ : ଉତ୍ତର କୋରିଆ ରବିବାର ହ୍ବାସୋଙ୍ଗ -୧୫ ଆନ୍ତଃମହାଦେଶୀୟ ବାଲିଷ୍ଟିକ କ୍ଷେପଣାସ୍ତ୍ର (ଆଇସିବିଏମ) ର ପରୀକ୍ଷଣକୁ ନିଶ୍ଚିତ କରିଛି। ଉତ୍ତର କୋରିଆ ଅନୁଯାୟୀ ହଠାତ ଲଞ୍ଚ ଡ୍ରିଲରେ ଏହି ପରୀକ୍ଷା କରାଯାଇଥିଲା। ଶତ୍ରୁ ସୈନ୍ୟବାହିନୀ ସମ୍ମୁଖରେ ଦେଶର ଦକ୍ଷତା ପ୍ରଦର୍ଶନ କରିବା ଏହି ପରୀକ୍ଷଣର ଉଦ୍ଦେଶ୍ୟ ଥିଲା। ଦକ୍ଷିଣ କୋରିଆ ଏବଂ ଆମେରିକା ଆଗାମୀ ସାମରିକ ଅଭ୍ୟାସ ଉପରେ ଦୃଢ଼ ପ୍ରତିକ୍ରିୟା ପ୍ରକାଶ କରିବା ପରେ ଶନିବାର ଅପରାହ୍ନରେ ଜାପାନର ପଶ୍ଚିମ ଉପକୂଳରୁ ସମୁଦ୍ରକୁ ଏକ ଦୂରଗାମୀ ବାଲିଷ୍ଟିକ କ୍ଷେପଣାସ୍ତ୍ର ଉତକ୍ଷେପଣ କରାଯାଇଥିଲା।
ରବିବାର ଏକ ପୃଥକ ବିବୃତ୍ତିରେ ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନଙ୍କ ଭଉଣୀ କିମ ୟୋ ଜୋଙ୍ଗ କ୍ଷେପଣାସ୍ତ୍ର ପରୀକ୍ଷାକୁ ନିଶ୍ଚିତ କରିଛନ୍ତି ଏବଂ ଆମେରିକାକୁ ସତର୍କ ରହିବାକୁ ଚେତାବନୀ ଦେଇଛନ୍ତି। ଏକଛତ୍ରବାଦୀ ଶାସକ କହିଛନ୍ତି ଯେ ଆମେରିକା ଉତ୍ତର କୋରିଆ ବିଷୟରେ ମିଳିତ ଜାତିସଂଘ ସୁରକ୍ଷା ପରିଷଦକୁ ଭୁଲ ସୂଚନା ଦେବାକୁ ଚେଷ୍ଟା କରୁଛି ଯାହା ଶତ୍ରୁ ନୀତିଠାରୁ କମ ନୁହେଁ।
ଆମେ ଶତ୍ରୁର ପ୍ରତ୍ୟେକ ପଦକ୍ଷେପ ଉପରେ ନଜର ରଖିଥାଊ। ଶତ୍ରୁଙ୍କୁ ଏକ ଉପଯୁକ୍ତ ଉତ୍ତର ମିଳିବ ବୋଲି କିମ ୟୋ ଜୋଙ୍ଗ କହିଛନ୍ତି। ଏହି ବିବୃତି ପରେ ଏକଛତ୍ରବାଦୀ ଶାସକଙ୍କଠାରୁ ତାଙ୍କ ଭଉଣୀ ଅଧିକ ବିପଜ୍ଜନକ ବୋଲି ସାବ୍ୟସ୍ତ ହୋଇଛି।
