ଭୁବନେଶ୍ୱର,୧୯।୬ : ଡିଜିଟାଲ ଅର୍ଥ ଦେଣନେଣ ପ୍ଲାଟଫର୍ମ ଫୋନ୍ ପେ ପକ୍ଷରୁ ଏକ ଅଭିନବ ସୁବିଧା ସମ୍ପର୍କରେ ଘୋଷଣା କରାଯାଇଛି। ଏପରିକି ଫୋନ୍ ପେର ପେମେଣ୍ଟ ଗେଟୱେ କ୍ଷୁଦ୍ର ଏବଂ ମଧ୍ୟମ ବ୍ୟବସାୟଗୁଡ଼ିକୁ ୮ ଲକ୍ଷ ଟଙ୍କା ପର୍ଯ୍ୟନ୍ତ ସଞ୍ଚୟ କରିବାରେ ସକ୍ଷମ କରୁଛି। ବିଶେଷ କରି ଅଧିକାଂଶ ପେମେଣ୍ଟ ଗେଟୱେଗୁଡ଼ିକ ଏକ ଷ୍ଟାଣ୍ଡାର୍ଡ ଟ୍ରାଞ୍ଜାକ୍ସନ ଫି ହିସାବରେ ୨% ଚାର୍ଜ କରୁଥିବାବେଳେ ଫୋନପେ ପେମେଣ୍ଟ ଗେଟୱେରେ ନୂତନ ବ୍ୟବସାୟୀମାନଙ୍କ ପାଇଁ ମାଗଣାରେ ଅନବୋର୍ଡ କରିବା ଲାଗି ଏକ ନୂଆ ଅଫର ରହିଛି। ଏଥିରେ କୌଣସି ଲୁକ୍କାୟିତ ଫି, ସେଟଅପ ଫି କିମ୍ବା ବାର୍ଷିକ ମେଣ୍ଟେନାନ୍ସ ଫି ରହି ନଥାଏ।
ଏ ସମ୍ପର୍କରେ ଫ୍ଲାୱର ଔରା ଏବଂ ବ୍ୟାକିଙ୍ଗୋର ସହ-ପ୍ରତିଷ୍ଠାତା ସୁମନ ପାତ୍ର କହିଛନ୍ତି, ଇ-କମର୍ସ ବ୍ୟବସାୟ ଭାବେ ଏକ ଭରସାଯୋଗ୍ୟ ପେମେଣ୍ଟ ସହଯୋଗୀ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ ଏବଂ ସେମାନଙ୍କର ନୈତିକତା ଏବଂ ଅଭିଜ୍ଞତା କାରଣରୁ ଫୋନ୍ପେ ପେମେଣ୍ଟ ଗେଟୱେକୁ ଆମ ବିକାଶ ସହଯୋଗୀ ଭାବେ ପାଇ ଆମେ ଅତ୍ୟନ୍ତ ଆନନ୍ଦିତ। ସେହିଭଳି ନିଶ୍ଚୟ ଏଜିର ସହ-ପ୍ରତିଷ୍ଠାତା ଏବଂ ସିଇଓ ଜାର ଶେୟାର କହିଛନ୍ତି, ଆମେ ଜାର୍ ଆରମ୍ଭ କରିବା ଦିନ ଠାରୁ ଆମେ ଫୋନ ପେକୁ ଏହାର ପହଞ୍ଚ ଓ ପ୍ରତିକ୍ରିୟାଶୀଳତା ପାଇଁ ଆମର ପେମେଣ୍ଟ ପାର୍ଟନର କରିବା ପାଇଁ ସ୍ପଷ୍ଟ ଥିଲୁ। ଫୋନ ପେର ବିଶାଳ ବିତରଣ ନେଟୱର୍କ ଏହାକୁ ଆମ ପାଇଁ ଅଧିକ ସହଜ କରିଛି।