ୱାଶିଂଟନ,୨୨ ।୨: ସାରା ବିଶ୍ୱରେ କମ୍ ହେଲେ ବି କରୋନା ସଂକ୍ରମଣ ଏବେ ଜାରି ରହିଛି । ଭାରତ ସମେତ ଅନେକ ଦେଶ କରୋନା କଟକଣାକୁ ହଟାଇ ଦେଇଛନ୍ତି । ହେଲେ ଏହାକୁ ରୋକିବାକୁ ସରକାର ସମସ୍ତ ପଦକ୍ଷେପ ନେଉଛନ୍ତି । ଏହାରି ଭିତରେ ଆମେରିକାରୁ ଆସିଥିବା ଖବର ସମସ୍ତଙ୍କ ଚିନ୍ତା ବଢାଇ ଦେଇଛି । ଆମେରିକାରେ କରୋନାର ନୂଆ ଭାରିଏଣ୍ଟ ଦ୍ୱାରା ଶିଶୁମାନେ ଶୀଘ୍ର ସଂକ୍ରମିତ ହେଉଛନ୍ତି ।
ଏକ ଆମେରିକୀୟ ରିପୋର୍ଟ ଅନୁଯାୟୀ, ଗତ ୪ ସପ୍ତାହ ମଧ୍ୟରେ ଆମେରିକାରେ ୧ ଲକ୍ଷ ୩୦ ହଜାର ଶିଶୁ କରୋନାରେ ସଂକ୍ରମିତ ହୋଇଛନ୍ତି । ଆଗକୁ ଏହି ସଂକ୍ରମଣ ବଢିବାର ଆଶଙ୍କା କରାଯାଉଛି । ସୂଚନାଯୋଗ୍ୟ, ଆମେରିକାରେ ବୟସ୍କଙ୍କ ସହ ଶିଶୁମାନଙ୍କୁ ବି କରୋନା ଟିକା ଦିଆଯାଇଛି । ଏହାପରେ ବି ଏଠାରେ କରୋନା ସଂକ୍ରମଣ ବ୍ୟାପିବାରେ ଲାଗିଛି । ସୂଚନା ମୁତାବକ କୋଭିଡ-୧୯ ସଂକ୍ରମଣ ପରେ ଦେଶରେ ପ୍ରାୟ ୧.୫୩ କୋଟି ଶିଶୁଙ୍କର ରିପୋର୍ଟ ପଜିଟିଭ ଆସିଛି । ରିପୋର୍ଟ ଅନୁଯାୟୀ, ପ୍ରାୟ ୮୦ ପ୍ରତିଶତ ଆମେରିକୀୟ ଯେଉଁମାନଙ୍କ୍ୁ ପୂର୍ବରୁ କୋଭିଡ ହୋଇସାରିଛି ସେମାନେ ପୁଣିଥରେ ଏହି ନୂଆ ଭାରିଏଣ୍ଟ ଦ୍ୱାରା ସ ଂକ୍ରମିତ ହୋଇଛନ୍ତି ।