ପଦ୍ମପୁର, ୧୦।୭ (ଡି.ଏନ.ଏ.): ଭଦ୍ରକ ସଦର ବ୍ଲକର ବ୍ରହ୍ମପୁର ପଞ୍ଚାୟତ ଉଚ୍ଚ ବିଦ୍ୟାଳୟ ସାମ୍ନାରୁ ଏସ୍ଟିଏଫ୍ (ସ୍ପେଶାଲ ଟାସ୍କଫୋର୍ସ) ଏକ ଚୋରା କୋଇଲା ବୋଝେଇ ପିକ୍ଅପ୍ ଭ୍ୟାନ୍ ଶନିବାର ଭୋର ସମୟରେ ଜବତ କରିଛି। ତିହିଡ଼ି ଥାନା ଅଞ୍ଚଳରୁ ଚୋରା କୋଇଲା ବୋଝେଇ ପିକ୍ଅପ୍ ଆସୁଥିବା ଖବରପାଇ ଏସ୍ଟିଏଫ୍ ଇଚ୍ଛାପୁର ଛକ ନିକଟରେ ଜଗି ରହିଥିଲା। ଗାଡ଼ିଟି ଦ୍ରୁତଗତିରେ ଭଦ୍ରକ-ଇଚ୍ଛାପୁର ରାସ୍ତାରେ ଆସୁଥିବା ଦେଖି ବ୍ରହ୍ମପୁର ଉଚ୍ଚ ବିଦ୍ୟାଳୟ ସାମ୍ନାରେ ଚଢ଼ାଉ କରି ଅଟକାଇଥିଲା। ଏସ୍ଟିଏଫ୍କୁ ଦେଖି ଚାଳକ ଗାଡ଼ି ଛାଡ଼ି ସ୍ଥାନୀୟ ବିଲ ଭିତରକୁ ଦୌଡ଼ି ପଳାଇଥିଲେ। ଗାଡ଼ିରେ ୩ ଟନ୍ରୁ ଊର୍ଦ୍ଧ୍ୱ କୋଇଲା ଥିଲା। ଗାଡ଼ି ମାଲିକଙ୍କ ନଁାରେ ଏକ ମାମଲା ରୁଜୁ କରାଯାଇ ଘଟଣାର ତଦନ୍ତ ଚାଲିଥିବା ସୂଚନା ମିଳିଛି।