ଗତ ମାସେ ଭିତରେ ବ୍ରିଟେନରୁ ଭାରତ ଆସିଛନ୍ତି ୫୦ ହଜାରରୁ ଅଧିକ ଲୋକ: ଚାଲିଛି ଠିକଣା ଖୋଜା

ନୂଆଦିଲ୍ଲୀ,୨୩।୧୨: ସମଗ୍ର ବିଶ୍ୱରେ କରୋନା ମାମଲା ହ୍ରାସ ହେବା ପରେ ଲୋକଙ୍କ ସାଧାରଣ ଜୀବନଯାପନ ସ୍ବାଭାବିକ୍‌ ହେବାକୁ ଲାଗିଥିଲା। କିନ୍ତୁ ହଠାତ୍‌ ବ୍ରିଟେନରେ କରୋନା ଭୂତାଣୁର ଏକ ନୂଆ ରୂପ ଦେଖାଯାଇଛି। ଫଳରେ ପୁଣି ଥରେ ବିଶ୍ୱରେ ଭୟର ବାତାବରଣ ସୃଷ୍ଟି ହୋଇଛି। କରୋନାର ନୂଆ ରୂପ ଭାରତୀୟଙ୍କ ମଧ୍ୟ ଚିନ୍ତା ବଢାଇଛି। ସରକାର ସତର୍କତା ଅବଲମ୍ବନ କରି ବ୍ରିଟେନରୁ ଆସୁଥିବା ସମସ୍ତ ବ୍ୟକ୍ତିଙ୍କ ଉପରେ ନଜର ରଖାଯାଇଛି। ଏଥି ସହିତ ସରକାର ଏକ ଠୋସ ପଦକ୍ଷେପ ନେଇଛନ୍ତି ଏବଂ ଗତ ଏକ ମାସ ମଧ୍ୟରେ ବ୍ରିଟେନରୁ ଭାରତ ଆସିଥିବା ସମସ୍ତ ଲୋକଙ୍କ ତାଲିକା ପ୍ରସ୍ତୁତ କରାଯାଉଛି। ଏହାକୁ ଏବେ ସମସ୍ତ ରାଜ୍ୟ ସହ ଶେୟାର କରାଯାଉଛି। ଲୋକମାନଙ୍କୁ ଆତ୍ମବିଶ୍ୱାସ ପ୍ରଦାନ କରି କେନ୍ଦ୍ର ସରକାର କହିଛନ୍ତି ଯେ ଭାରତ ସଠିକ ଦିଗରେ କାର୍ଯ୍ୟ କରୁଛି ବୋଲି ଭୟ କରିବାର କୌଣସି ଆବଶ୍ୟକତା ନାହିଁ। ସରକାରୀ ଆକଳନ ଅନୁଯାୟୀ, ଏକ ମାସ ମଧ୍ୟରେ ବ୍ରିଟେନରୁ ମୋଟ ୫୦,୮୩୨ ଲୋକ ଭାରତ ଆସିଛନ୍ତି। ଏଥି ସହିତ, ଦିଲ୍ଲୀର ସର୍ବାଧିକ ୧୬,୨୮୧ ଲୋକ ଅଛନ୍ତି। ବ୍ରିଟେନରୁ ଆସିଥିବା ସମସ୍ତ ଲୋକଙ୍କ ସନ୍ଧାନ ଆରମ୍ଭ ହୋଇଛି। ସେଥିପାଇଁ ଏପର୍ଯ୍ୟନ୍ତ ଭାରତ ସମେତ ମୋଟ ୪୯ଟି ଦେଶ ବ୍ରିଟେନରୁ ଆସୁଥିବା ବିମାନ ବନ୍ଦ କରିଦେଇଛନ୍ତି।