ଭୁବନେଶ୍ୱର,୧୭।୭ (ସୂର୍ଯ୍ୟକାନ୍ତ ବେହେରା): ବରମୁଣ୍ଡା ବସ ଷ୍ଟାଣ୍ଡ ନିକଟରୁ ସୋମବାର ନିଶାଦ୍ରବ୍ୟ ବେପାର କରୁଥିବା ଜଣେ ଅଭିଯୁକ୍ତକୁ ଭରତପୁର ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ହେଲେ କଟକର ଶରତ କୁମାର ପୃଷ୍ଟି । ତାଙ୍କ ହେପାଜତରୁ ୭.୮୦୦ କେଜି ଗଞ୍ଜେଇ ଜବତ ହୋଇଛି । ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ପଚରାଉଚରା ସମୟରେ ଅଭିଯୁକ୍ତ ଜବତ ଗଞ୍ଜେଇ ଗୁଡିକୁ କନ୍ଧମାଳ ଅଞ୍ଚଳରୁ ସଂଗ୍ରହ କରିଥିବା ପୋଲିସ ଆଗରେ ସ୍ବୀକାର କରିଥିଲେ । ତେବେ କାହାକୁ ଦେବାକୁ ଆଣିଥିଲେ ,କେବେଠାରୁ ଏ ଅପରାଧିକ କାର୍ଯ୍ୟାକଳାପ କରୁଆସୁଥିଲେ ତାହାର ତଥ୍ୟ ଜାଣିବାକୁ ପୋଲିସ ଉଦ୍ୟମ ଚଳାଇଛି ।