ଛତ୍ରପୁର,୧୪ା୯(ସନ୍ତୋଷ ପାଢ଼ୀ): ଗଞ୍ଜାମ ଜିଲା ଚମାଖଣ୍ଡି ଥାନା ଅଧୀନ ଗୋବିନ୍ଦପୁର ଛକ ନିକଟରୁ ଏକ ଗୋରୁ ବୋଝେଇ ଗାଡ଼ି ଗୁରୁବାର ଜବତ ହୋଇଛି। ଉକ୍ତ ଗାଡ଼ିରେ ୭୦ରୁ ଊଦ୍ଧର୍ବ ଗୋରୁ ବେଆଇନ ଭାବେ ଚାଲାଣ ହେଉଥିବା ବେଳେ ବଜରଙ୍ଗ ଦଳର ସହଯୋଗରେ ଚମାଖଣ୍ଡି ପୋଲିସ ଧରିଛି। ଉକ୍ତ ଗାଡ଼ିର ଡ୍ରାଇଭରଙ୍କୁ ଅଟକ ରଖାଯାଇଥିବା ବେଳେ ଅନ୍ୟମାନେ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡ଼ିଛି। ଖୋର୍ଦ୍ଧାରୁ ହାଇଦ୍ରାବାଦ ଅଭିମୁଖେ ୪ରୁ ଊର୍ଦ୍ଧ୍ୱ କଣ୍ଟେନରରେ ଗୋ’ ଚାଲାଣ ହେଉଥିବା ବେଳେ ଗୋଟିଏ କଣ୍ଟେନରକୁ ପୋଲିସ ଜବତ କରିଛି। ପୋଲିସ ଏବଂ ବଜରଙ୍ଗ ଦଳ ସହାୟତା କଣ୍ଟେନର ଭିତରୁ ଗୋରୁଙ୍କୁ ଉଦ୍ଧାର କରାଯାଇ ସୋରଡ଼ାର ଏକ ଗୋ’ ଶାଳାରେ ଛଡ଼ା ଯାଇଥିବା ସୂଚନା ମିଳିଛି।