କାବୁଲ,୧୬।୧୧: ଆଫଗାନିସ୍ତାନରେ ଗତ ୨୫ ଦିନ ମଧ୍ୟରେ ୭୦ରୁ ଅଧିକ ତାଲିବାନ କମାଣ୍ଡର ଏବଂ ୧୫୨ ପାକିସ୍ତାନୀ ଆତଙ୍କବାଦୀଙ୍କ ମୁଣ୍ଡ ଗଡ଼ିଛି। ଆଫଗାନିସ୍ତାନ ସୁରକ୍ଷାକର୍ମୀଙ୍କ ପକ୍ଷରୁ ହୋଇଥିବା ସର୍ଚ୍ଚ ଅପରେଶନରେ ଏହି ସଫଳତା ମିଳିଛି। ହେଲମଣ୍ଡରେ ୨୦ ଜଣ କମାଣ୍ଡର ସୁରକ୍ଷାକର୍ମୀଙ୍କ ଗୁଳିରେ ନିହତ ହୋଇଛନ୍ତି। ପ୍ରତି କମାଣ୍ଡର ୪୫ରୁ ୧୦୦ ଜଣିଆ ଆତଙ୍କବାଦୀ ଦଳର ନେତୃତ୍ୱ ନେଉଥିଲେ। ସେହିପରି କାନ୍ଧାହାରରେ ୪୦ ତାଲିବାନ କମାଣ୍ଡରଙ୍କ ମୃତ୍ୟୁ ଘଟିଥିବା ଆଭ୍ୟନ୍ତରୀଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ମନ୍ତ୍ରଣାଳୟ ପ୍ରବକ୍ତା ତାରିକ୍ ଆରିଆନ୍ ଏସମ୍ପର୍କରେ ପ୍ରକାଶ କରିଛନ୍ତି। ହେଲମଣ୍ଡରେ ଆତଙ୍କବାଦୀ ଆକ୍ରମଣ କରିବା ଲାଗି ଉରୁଜ୍ଗାନ୍, କାନ୍ଧାହାର ଏବଂ ଘଜ୍ନୀରୁ ଆସିଥିବା ୧୦ ଜଣ କମାଣ୍ଡର ମଧ୍ୟ ମୃତକଙ୍କ ମଧ୍ୟରେ ରହିଛନ୍ତି। ସର୍ଚ୍ଚ ଅପରେଶନ୍ରେ ୧୩୪ ସାଧାରଣ ଲୋକଙ୍କର ମୃତ୍ୟୁ ଘଟିଥିବାବେଳେ ୨୮୯ରୁ ଅଧିକ ଆହତ ହୋଇଥିବା ସେ କହିଛନ୍ତି।