କେନ୍ଦୁଝର,୧୭।୬(ନରେଶ ଚନ୍ଦ୍ର ପଟ୍ଟନାୟକ): ମଙ୍ଗଳବାର କେନ୍ଦୁଝର ଜିଲାରେ ସମସ୍ତ ସ୍କୁଲ ଖୋଲିବ। ଖରା ଦିନ ଛୁଟି ପରେ ସ୍କୁଲ ଖୋଲୁ ଥିବାରୁ ପିଲାଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି। ତେବେ ପ୍ରବଳ ଗରମ ସାଙ୍ଗକୁ ଗୁଳୁଗୁଳି ଯୋଗୁ ଅଭିଭାବକ ଚିନ୍ତାରେ ରହିଛନ୍ତି।
ଏଭଳି ସ୍ଥିତିରେ ରାଜ୍ୟ ସରକାର ସ୍କୁଲ ଖୋଲିବା ସମୟ ସକାଳ ୬.୩୦ ରୁ ୧୦. ୩୦ ରଖିଥିବା ବେଳେ ସ୍ଥାନୀୟ ପାଣିପାଗକୁ ଦେଖି ସ୍କୁଲ ଖୋଲିବ କି ନାହିଁ ଏହାର ନିଷ୍ପତ୍ତି ନେବାକୁ ଜିଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି। କେନ୍ଦୁଝର ଜିଲାପାଳ ବିଶାଳ ସିଂହ କହିଛନ୍ତି, ଜିଲାରେ ମଙ୍ଗଳବାଠାରୁ ସ୍କୁଲ ଖୋଲିବ। ସକାଳ ୬.୩୦ରୁ ୧୦.୩୦ ଯାଏ ସ୍କୁଲ ଖୋଲା ରହିବାକୁ ଜିଲା ଶିକ୍ଷା ଅଧିକାରୀଙ୍କୁ ସେ ନିର୍ଦ୍ଦେଶ ଦେଇଛନ୍ତି।
