ରାବତ,୧୧।୯: ମୋରୋକୋରେ ହୋଇଥିବା ଭୂକମ୍ପରେ ମୃତ୍ୟୁ ସଂଖ୍ୟା ୨,୧୨୨କୁ ବୃଦ୍ଧି ପାଇଛି। ଏଥିସହ ୨,୦୫୯ଜଣ ଆହତ ହୋଇଛନ୍ତି। ସେଥିମଧ୍ୟରୁ ୧,୪୦୪ ଲୋକଙ୍କ ଅବସ୍ଥା ଗୁରୁତର ରହିଛି। ତେବେ ଭୂକମ୍ପ ଯୋଗୁଁ କୌଣସି ଭାରତୀୟଙ୍କର କ୍ଷତି ହେବାର ଖବର ନାହିଁ।
ରାବତରେ ଥିବା ଭାରତୀୟ ଦୂତାବାସ ଅନୁଯାୟୀ, ଭୂକମ୍ପର ୩୬ ଘଣ୍ଟା ପରେ କୌଣସି ଭାରତୀୟ ଆହତ ହୋଇନାହାଁନ୍ତି। ସମସ୍ତ ଭାରତୀୟଙ୍କୁ ଘରେ ଏବଂ ନିରାପଦ ସ୍ଥାନରେ ରହିବାକୁ ଏବଂ ସ୍ଥାନୀୟ ପ୍ରଶାସନର ନିର୍ଦ୍ଦେଶାବଳୀ ପାଳନ କରିବାକୁ କୁହାଯାଇଛି। ମୋରୋକୋରେ ୧,୫୦୦ଭାରତୀୟ ବାସ କରୁଛନ୍ତି। ମୋରୋକୋର ଜନସଂଖ୍ୟା ୩ କୋଟି ୭୧ ଲକ୍ଷ ।
ଭୂକମ୍ପ ପରେ ମୋରୋକୋରେ ରହୁଥିବା ଭାରତୀୟଙ୍କ ପାଇଁ ଭାରତୀୟ ଦୂତାବାସ ଏକ ପରାମର୍ଶଦାତା ଜାରି କରିଛି। ଏକ ହେଲ୍ପଲାଇନ ନମ୍ବର ଜାରି କରି ଦୂତାବାସ ସହିତ ଯୋଗାଯୋଗ କରିବାକୁ କୁହାଯାଇଛି।
