ମଶା କାମୁଡିବା ଆମକୁ ସାଧାରଣ ଲାଗିଥାଏ। ପ୍ରତିଦିନ ଗୋଟିଏ ମଶା ଆମକୁ ନିଶ୍ଚିନ୍ତ କାମୁଡୁଥିବ। ଡେଙ୍ଗୁ, ମେଲେରିଆ ବ୍ୟତିତ କୌଣସି ସାଧାରଣ ମଶା କାମୁଡିଲେ ସାମାନ୍ୟ କୁଣ୍ଡେଇ ହେବା ପରେ ଠିକ୍ ହୋଇଯାଇଥାଏ। ହେଲେ କାମ୍ବୋଡିଆ ଜଣେ ଯୁବକଙ୍କୁ ମଶା କାମୁଡିବା ପରେ ଏମିତି ଘଟିଛି ତାହାକୁ କେହି କଳ୍ପନା ମଧ୍ୟ କରିପାରିନେ ନାହିଁ। ମଶା କାମୁଡିବାରୁ ତାଙ୍କ ଗୋଡର ଆକାର ସ୍ବଭାବିକଠାରୁ ପ୍ରାୟ ୫ ଗୁଣା ମୋଟା ହୋଇଯାଇଛି। ଏହାଯୋଗୁ ସେ ଚାଲି ପାରୁ ନାହାନ୍ତି ଏବଂ ଏକପ୍ରକାର ଅଚଳ ହୋଇଯାଇଛନ୍ତି।
୨୭ ବର୍ଷୀୟ ବଙ୍ଗ ଥେଟ୍ ଯେତେବେଳେ ମାତ୍ର ୬ ବର୍ଷର ହୋଇଥିଲେ ସେତେବେଳେ ତାଙ୍କୁ ଏକ ମଶା କାମୁଡି ଦେଇଥିଲା। ତେଣୁ ତାଙ୍ଗ ଗୋଡରେ ଏକ ସାମାନ୍ୟ କ୍ଷତ ସୃଷ୍ଟି ହୋଇଥିଲା। ହେଲେ ବଙ୍ଗ ଏବଂ ତାଙ୍କ ପରିବାର ଏହାକୁ ସାମାନ୍ୟ ଭାବିଥିଲେ। ପରେ ଉକ୍ତ ସ୍ଥାନରେ ଏକ ଆବୁ ହୋଇ ତାହା ବଢ଼ିବାକୁ ଲାଗିଲା। ପରେ ତାଙ୍କ ଗୋଡର ଆକାର ସ୍ବାଭାବିକଠାରୁ ପ୍ରାୟ ୫ ଗୁଣ ମୋଟା ହୋଇଯାଇଛି। ବଙ୍ଗ ଗରିବ ପରିବାରର ହୋଇଥିବାରୁ ଏହି ସମସ୍ୟା ନେଇ କେବେ ହସ୍ପିଟାଲ ଯାଇପାରି ନ ଥିଲେ। ନିକଟରେ ଜଣେ ବଦାନ୍ୟ ମହିଳା ତାଙ୍କୁ ଆଥିକ ସହାୟତା କରିବାରୁ ବଙ୍ଗଙ୍କୁ ହସ୍ପିଟାଲକୁ ନିଆଯାଇଥିଲା। ପରୀକ୍ଷା ପରେ ଜଣାପଡ଼ିଲା ଯେ, ବଙ୍ଗ ଲିମ୍ଫାଟିକ ଫାଇଲେସିରିଆସିସ୍ ନାମକ ଏକ ରୋଗରେ ଆକ୍ରାନ୍ତ ହୋଇଛନ୍ତି। ଏକ ପ୍ରକାର ପରଜୀବୀଙ୍କ ଦ୍ୱାରା ଉକ୍ତ ରୋଗ ହୋଇଥାଏ। ବୋଧହୁଏ ମଶା କାମୁଡ଼ାଯୋଗୁ ସେହି ପରଜୀବୀ ତାଙ୍କ ଦେହକୁ ଆସିଥାଇପାରେ ବୋଲି ଡାକ୍ତର କହିଥିଳେ। ତେବେ ଏହାର କୌଣସି ଚିକିତ୍ସା ନାହିଁ। ଏଥିରୁ ରକ୍ଷା ପାଇବା ପାଇଁ କୌଣସି ଟିକା ବାହାରି ନାହିଁ।
ଏହା ଜାଣିବା ପରେ ବଙ୍ଗ କୁହନ୍ତି, ଜୀନସାରା ସେ ତାଙ୍କ ସମସ୍ୟାର ପ୍ରକୃତ କାରଣ ଜାଣିବାକୁ ଚାହୁଁଥିଲେ। ଏବେ ତାହା ଜାଣିପାରିଛନ୍ତି। ତେଣୁ ସେ କିଛିଟା ଆଶ୍ୱସ୍ତ ହୋଇଛନ୍ତି।