ନୂଆଦିଲ୍ଲୀ,୨୯।୮: କୋଲକାତାର ଜଣେ ମହିଳା ଟ୍ରେନି ଡାକ୍ତରଙ୍କ ସହ ହୋଇଥିବା ବଳାତ୍କାର-ହତ୍ୟାକୁ ନେଇ ସାରା ଦେଶରେ ଅସନ୍ତୋଷ ଦେଖାଦେଇଛି। ଏହା ବ୍ୟତୀତ ଦେଶର ବିଭିନ୍ନ ସ୍ଥାନରେ ବଳାତ୍କାରର ଅନେକ ଘଟଣା ସାମ୍ନାକୁ ଆସୁଛି, ଯେଉଁ କାରଣରୁ କେତେକ ସ୍ଥାନରେ ଭୟ ଓ କ୍ରୋଧର ପରିବେଶ ରହିଛି। ଏପରି ପରିସ୍ଥିତିରେ, ଆସନ୍ତୁ ଜାଣିବା ଦୁନିଆର କେଉଁ ଦେଶରେ ସର୍ବାଧିକ ବଳାତ୍କାର ମାମଲା ରିପୋର୍ଟ ହୋଇଛି। ମିଳିତ ଜାତିସଂଘର ୧୯୩ଟି ଦେଶ ମଧ୍ୟରେ ବଳାତ୍କାର ମାମଲା ଅନୁଯାୟୀ କେତେକ ଦେଶ ଆଗରେ ରହିଛି। ଆସନ୍ତୁ ଜାଣିବା…
ଏହି ତାଲିକାରେ ଭାରତର ନାମ ପ୍ରଥମ ସ୍ଥାନରେ ରହିଛି । ମହିଳାଙ୍କ ପ୍ରତି ହେଉଥିବା ହିଂସା ସ୍ତର ଅଧିକ ଅଛି। ସେ ନିର୍ଭୟା ବଳାତ୍କାର ହେଉ କିମ୍ବା କୋଲକାତା ବଳାତ୍କାର ମାମଲା ହେଉ, ଦେଶରେ ପ୍ରତିଦିନ ୮୬ଟି ବଳାତ୍କାର ଘଟଣା ଘଟୁଛି। ତାଲିକାରେ ଆଫଗାନିସ୍ତାନର ନାମ ଦ୍ୱିତୀୟ ସ୍ଥାନରେ ରହିଛି। ତାଲିବାନୀ ରାଜ୍ରେ ମହିଳାଙ୍କ ପ୍ରତି ସବୁଠାରୁ ଅତ୍ୟାଚାର ହେଉଥିବା ଖବର ରହିଛି। ଏହାପରେ ସିରିଆ ତୃତୀୟ ସ୍ଥାନରେ ରହିଛି। ସ୍ବାସ୍ଥ୍ୟସେବା ତଥା ଅଣ-ଯୌନ ହିଂସା କ୍ଷେତ୍ରରେ ମହିଳାଙ୍କ ପାଇଁ ଏହା ଦ୍ୱିତୀୟ ବିପଜ୍ଜନକ ଦେଶ ଭାବରେ ବିବେଚନା କରାଯାଏ, ଯେଉଁଥିରେ ବିବାଦ ସହ ଜଡିତ ହିଂସା ତଥା ଘରୋଇ ନିର୍ଯାତନା ମଧ୍ୟ ଅନ୍ତର୍ଭୁକ୍ତ। ଏଥିରେ ଚତୁର୍ଥ ସ୍ଥାନରେ ସେମାଲିଆ ଏବଂ ସ୍ଥାନରେ ସାଉଦି ଆରବ ରହିଛି। ସାଂସ୍କୃତିକ ତଥା ଧାର୍ମିକ ପ୍ରଥା ହେତୁ ମହିଳାଙ୍କ ପ୍ରତି ବିପଦ ଦୃଷ୍ଟିରୁ ଏହି ଦେଶ ପଞ୍ଚମ ସ୍ଥାନରେ ରହିଛି।
