ଜଣେ ଯୁବକ ଗୋଟିଏ ବର୍ଷରେ ୨୩ ସନ୍ତାନର ପିତା ହେବାର ସୌଭାଗ୍ୟ ଲାଭ କରିଛନ୍ତି। ଅଷ୍ଟ୍ରେଲିଆରେ ରହୁଥିବା ଆଲାନ ଫାନ ନାମକ ଯୁବକ ଶୁକ୍ରାଣୁ ଦାନ ପାଇଁ ନିଜ ଦେଶରେ ବେଶ୍ ଲୋକପ୍ରିୟତା ଅର୍ଜନ କରିଛନ୍ତି। ପ୍ରଥମେ ସେ ନିଜ ଖୁସି ପାଇଁ ଶୁକ୍ରାଣୁ ଦାନ କରୁଥିଲେ, କିନ୍ତୁ ପରେ ସେ ଏହାକୁ ଏକ ପେସା ଭାବେ ଗ୍ରହଣ କରିଥିଲେ। ଯୁବକଙ୍କ ଏହି କାର୍ଯ୍ୟର ତଦନ୍ତ ଆରମ୍ଭ ହୋଇଛି। ଯୁବକ ଜଣକ କହିଛନ୍ତି ଯେ, ତାଙ୍କର କାର୍ଯ୍ୟକ୍ଷମ ଶୁକ୍ରାଣୁ ହେତୁ ମହିଳାମାନେ ତାଙ୍କୁ ପସନ୍ଦ କରନ୍ତି। ଆଲାନ ନିଜେ ଦୁଇ ସନ୍ତାନର ପିତା। କିନ୍ତୁ ସେ ବ୍ୟକ୍ତିଗତ ଭାବରେ ଶୁକ୍ରାଣୁ ଦାନ କରିଛନ୍ତି ଏବଂ ଏଥିରୁ ପ୍ରାୟ ୨୩ ପିଲା ଜନ୍ମ ନେଇଛନ୍ତି। ସେ ପଞ୍ଜୀକୃତ ଫର୍ଟିଲିଟି ସେଣ୍ଟରରେ ଶୁକ୍ରାଣୁ ମଧ୍ୟ ଦାନ କରନ୍ତି। ଅଷ୍ଟ୍ରେଲିଆର ବ୍ରିସ୍ବେନରେ ରହୁଥିବା ୪୦ ବର୍ଷର ଆଲାନଙ୍କୁ ଏବେ ପରୀକ୍ଷା କରାଯାଉଛି। କେତେକ ପ୍ରଜନନ କ୍ଲିନିକ ଆଲାନଙ୍କ ନାଁରେ ଅଭିଯୋଗ ଆଣିଥିଲେ। ଆଲାନଙ୍କ ନାଁରେ ଅବୈଧ କ୍ଲିନିକକୁ ଶୁକ୍ରାଣୁ ଦାନ କରିଥିବା ଏବଂ ନିର୍ଦ୍ଧାରିତ ସୀମାଠାରୁ ଅଧିକ ସନ୍ତାନ ଜନ୍ମ କରୁଥିବା ଅଭିଯୋଗ ହୋଇଛି। ଅଷ୍ଟ୍ରେଲିଆର ଭିକ୍ଟୋରିଆ ନିୟମ ଅନୁଯାୟୀ, ଜଣେ ବ୍ୟକ୍ତି କେବଳ ୧୦ଜଣ ସନ୍ତାନ ସୃଷ୍ଟି କରିପାରିବ। ଏଥି ସହିତ ଆଲାନ କହିଛନ୍ତି ଯେ, ମହିଳାମାନଙ୍କୁ ମନା କରିବା ତାଙ୍କ ପାଇଁ ବହୁତ କଷ୍ଟକର। ଏହି କାରଣରୁ ସେ ଗୋଟିଏ ଦିନରେ ତିନିଜଣ ମହିଳାଙ୍କୁ ଶୁକ୍ରାଣୁ ଦାନ କରନ୍ତି।