ବାସୁଦେବପୁର,୨୧।୮(ଡି.ଏନ.ଏ.): ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ଗୁଆଗଡ଼ିଆ ପଞ୍ଚାୟତ କମାରଗଁାରେ ଶନିବାର ମା’ ଝିଅଙ୍କୁ ମରଣାନ୍ତକ ଆକ୍ରମଣ କରାଯାଇଛି। ବାସୁଦେବପୁର ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଜିଲା ମୁଖ୍ୟ ଚିକିତ୍ସାଳୟକୁ ପଠାଯାଇଥିଲା। ଗୁରୁତର ମା’ ଝିଅ ହେଲେ ଗ୍ରାମର ଶାନ୍ତିଲତା ଦଳେଇ ଓ ତାଙ୍କ ଝିଅ ସଞ୍ଜୁଲତା। ଏ ନେଇ ଶାନ୍ତିଲତା ବାସୁଦେବପୁର ଥାନାରେ ଲିଖିତ ଅଭିଯୋଗ କରିଛନ୍ତି। ସେ ଏତଲାରେ ଉଲ୍ଲେଖ କରିଛନ୍ତି ଯେ, ଧାର୍ ଟଙ୍କା ମାଗିବାରୁ ଗ୍ରାମର ଜଣେ ଯୁବକ ସେମାନଙ୍କୁ ଆକ୍ରମଣ କରିଛନ୍ତି। ଉକ୍ତ ଯୁବକ ତାଙ୍କ ପୁଅଠାରୁ ଗୁଜୁରାଟରେ ୪୦ ହଜାର ଟଙ୍କା ନେଇ ଆଉ ଫେରାଉ ନ ଥିଲେ। ଶନିବାର ସେ ତାଙ୍କୁ ଏହି ଟଙ୍କା ମାଗିବାରୁ ଉତ୍ତେଜିତ ହୋଇ ମାରଣାସ୍ତ୍ରରେ ମା’ ଝିଅଙ୍କୁ ଆକ୍ରମଣ କରିଥିଲେ। ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।